Popular Bible Verses from Filipi 2

Share

Hèhaniete obo ariŋ te ewahiti hutto tajia hatai kuyya te etadara; ati itafiahajata ahuattek, oduloro egigilo jio, agalihini aati hullomuk itai. Hègigiloti te ewahiti huttanatai hama, igigiloti buo fe te ewahiti waati hullomuk.

Ijiara luŋa egigilo ninyia owon 'to jio Kristo Yesu, hatawana itajia hatai.

Odulo nyia inyi arahan ihuo Hollum, ati, obeŋ nyia inyi igigilo igolihiniere jio arriamara iko Hollum. Ati idehi nyia inyi elobia honyi 'daŋ, ette irahan ihuo apit. Isiuni nyia inyi atulo ette irahan atulo. Itafiaha nyia inyi ahuan honyi, ette iniŋio Hollum many liye — ta aye honyi ikruce.

Nyio, odulo Hollum awanan ikatai jio, oŋida itai iwahata buo fe iremehina iniŋio erre hunna awak inyi.

Ania, akafaniere Hollum inyi imaji ilohittok anna agalik 'to 'daŋ, ette isiarana jihonyi elohittok anna agalik 'to hunnomuk 'daŋ. Tania, te elohittok ottono Yesu, itahabuye adi erre 'daŋ huttedou iko hutta fau buo hutto tua fau inyi, ette 'daŋ ipulonia jio, Yesu Kristo inyi Lamonye, isiaraniere akuatan jio Hollum, Monye.

Ihaniete erre 'daŋ buo ibiaŋata iŋuŋusiati kuyya itarisati, oŋida bati irata aduri Hollum aliborok, buo fe ibiaŋata iwanata iko obo epali. Imanyati itai ihiji waati afau ana, hulla arai 'to a hepalak buo fe a heyyak. Ati, owuloroto luŋa ihiji hosi ihuo elelefi hunne itafaŋi 'to edou

Tania, illarak iko haniyarak hoŋ, ihuo ninyia iniŋiette itai eram hoŋ buo ni hawon ikatai, oyyu atibuo bebe elle iniŋiete itai ani ihuania buo ni abeŋ awon ikatai. Ta abaŋi Hollum, otuhonia atajia hatai 'daŋ jio egiama honyi; oŋida etalahuno hatai ottuba.