Popular Bible Verses from Ebrei 9

Share

Ihuo nyia buo fe, isiori nyia Kristo ehumi enyiahi abotie ijiai, iyari addi eyyata waati arriai. Inyiak adi inyi icohuno, obiaŋara iyari addi eyyata, ati italahuniere hia hulle itilai 'to inyi.

Alla ara ti inyi hode, obeŋ 'tadi nooto Kristo iyaŋuno alibori anna agalik 'to bebe? To Oloholio elle isu 'to 'tulaŋ, isiarak nyia Kristo ahuan honyi ehumi onno oyyu 'to bebe jio Hollum. Italibo adi nooto honyi atuajin hohoi jio ehuhumita hunna arai asai jio, oŋida bati egiama jio Hollum lesuoni.

Oye luŋa atulo 'daŋ enyiahi abotie, ojio teya, ette Hollum iŋot eram hosi.

Hode, ojiori efahita jio, ijiara luŋa italibori arriai hirre 'daŋ to nooto; ittallihini buo fe ihohina eyyata waati alla abeŋ nooto owouno.

Te eram ania, iyaŋuno Kristo ecorit aŋejuk jio, oŋida bati hia hunyia iloŋu Hollum ifuotuni amuno onno osioi 'to 'tulaŋ, ninyia ocoroni a hunosi. Ta naye honyi, italahunie hia hunyia iyyauni 'to jio oŋitek huno ecorit etteri.