Popular Bible Verses from 1 PETRO 1

Share

Hésiatta ahumo jio Hollum, Monye Yesu Kristo, Lamonye hohoi! Ta amehino honyi onno obolo 'to, isiarak inyi jihohoi nesu aŋejuk te etubuhuna honyi Yesu Kristo toye. Itufutak ania jihohoi eyihina ahode hode jio, efuo adi ifuotuna emuniti hunyia ocorok Hollum jio aati honyi. Ottunani jihohoi emuniti hunia lidou, amaji enne ittallihorik isi imuyahari kuyya irrohojari kuyya ililitoro.

Omunoti te eram ania, duadi bu irumana itai luŋa ihuania ettigemita arriai. Itahutani ettigemita hunia arahan ono neruk hatai hode. Duadi bu ayyel onno oremehini ittarroho, okemie inyi te neema. Tania, ijiara buo fe luŋa okemi neruk hatai, anna agalik 'to ayyel ta ayiji, oŋida bati inyi odulo. Ifuatta adi ifuotuna etahabuyo, akuatan iko olohuo jio Oloŋ enne italeyehinierek Yesu Kristo.

Ati, ijiara amanya hatai olibo ihuo onno oliborori Hollum, linyia iloŋu 'to itai. Ihuo ojio abuk Hollum jio, “Oliboroto, nyio, alibo ni.”

Oniŋiete Hollum, hèlaha ewahiti hatai ogottierek itai, ihuo ninyia berien.

Tania, ihuhumata egigilita hatai igiamari. Ihumata imijio, otuhonia eyihina hatai 'daŋ jio ayiji onno ofuoi isiarana jihatai elle italeyehini Kristo.

Ihuo ojio abuk Hollum jio, “Arai aati 'daŋ ihuo amiyaŋ, buo fe akuatan hosi ara ihuo ayaburita miyaŋ. Oyohojo amiyaŋ, buo ayaburita ette idouna; ati, osio ekiana ono Lamonye 'tulaŋ.” Ekiana ania, inyi Asayyo Ayijok hunyia iramani jihatai.