Popular Bible Verses from 1Korinto 6

Share

Itimoti itai jio arai ahuattek hatai ahaji anna amanyari Loholio Olibo linyia isiarak Hollum jihatai? Ibiaŋata itai irata a hulo ahuattek hatai, ati irata a hulo Hollum; inyiaŋuni nyia itai te enyiaŋi. Tania, igiamatti ahuattek hatai itakuaciere Hollum.

Imijana itai luŋa jio, ittallihi arrohojak irutana Olobie Hollum. Hènyobiete ahuattek hatai! Duadi bu arrohojak kuyya aati hulle itahabuye 'to arrijiorita jiohin, kuyya asomok, kuyya aliawa hullo ojotorik aliawa ihuo isi iko aŋoruo hunno ojotorik aŋoruo ihuo isi, kuyya ahahalak, kuyya aŋarujok, kuyya arumak, kuyya emimorok waati, kuyya ahorok…obeŋi isi 'daŋ ofuoi irutana Olobie Hollum.

Idehina erre somon. Ittallik obo eyyau hama enne ihan atulo ittarroho ahuan tulo; ati atulo elle ihanio 'to erre somon, ittarroho inyi huno ahuan honyi.

Ojio adi obo jio, “Aŋatani nani ihaniere erre 'daŋ.” Ati obeŋi erre 'daŋ oyiji jihoi. Aremik ni jiaran jio, aŋatani nani ihaniere erre 'daŋ, ati ettallik ni iŋatana obo ariŋ ihanak nani apit honyi.

Itubuhu nyia Hollum Lamonye toye, itubuhu adi buo fe inyi hohoi ta agolon honyi.