Popular Bible Verses from Romanos 12

Share

Uy tzʌctame chʌquiajpašej te' ja'n wyʌ'aŋjamyapyʌ's Dios, sino que jomecoquipsoytyamʌ ndzoco'yojmo wa'mis ŋgacpʌ'octuctamu nwin. Te'šej mis wa'y mustamu te' oyepʌ šu'noquiuy Diojsisñe', te' cota'nupʌ y ñʌ'ombapʌ ñe'cʌ's.

Te'cotoya, atzita'm, como Diojsismij ñdyo'ya'ŋʌytyamba, aŋnʌctza'mʌytyamba'ʌsmij wa'mis ndzi'oquia'tamu mista'm ŋgüerpo Dioscʌsi, jujcha' chi'oquia'yajpašej inʌc ñchowambe wa'y yajca'yaju. Pero te' mista'm ŋgüerpo tzi'oquia'tamʌ quenbapʌ y cowajupʌ y yajtzocopyacpapʌ's Dios. Yʌ'wʌte' te' mista'm wiyuŋšejpʌ ŋgʌna'tzʌ'oquiuy.

Oma'oma jo'ctamʌ tʌ Ngomi. Pʌ'mgopajcʌytyamʌ toyapʌjcuy. Oto'ŋʌytyamʌ Dios mumu jama.

Uy tzi'i lugar wa'mij nwyʌyu yacha'cu'yis, sino que ne'cʌ wʌyʌ oye'ajcupyit.

Našunʌtʌjtamʌ ne'co'mo jujcha' našunʌtʌjyajpapʌ atzita'm. Mʌja'ŋgomʌ'ytyamʌ ndʌwʌ ne'co'mota'm.

Su'noytyamʌ ndumʌtzocoy. Qui'nistamʌ yacha'cuy, coquendamʌ ndzoco'yojmo te' oyepʌ tiyʌ.

Ne'cʌmis ŋgowindzʌmdambaše'ŋ tzʌcme'tztamʌ wa'mis sʌ'mnayu'c ittamu mumu pʌnji'ŋ.

Tʌwʌy, uy yajnʌco'aŋgʌytyame ne'cʌ, sino que tzactamʌ wa'y Diojsis ñacšaju maŋba'ca yajnʌco'aŋgʌyaju. Porque yʌ'šej ja'yʌyu: Ʌste' maŋba nyajnʌco'aŋgʌyaju, nʌmba tʌ Ngomi, y ʌs maŋba nyajcoyojyaju.

Tziŋitzʌctamʌ nwin, uy mocha'tame. Ndumʌtzocoy tzijpana-yosjaytyamʌ tʌ Ngomi.

Diojsisʌj tzi'u yajya'moquiuy, y te'wʌpit ʌsmij ndzamjaytyamba tumduma'ŋbʌn: Umis mujsoyešej ŋgomʌ'ytyamu nwin, sino que pyʌcpaše'ŋ, y cʌme'tztamʌ ne' ŋguipsoquiuy. Yʌ'šej tzʌctamʌ te' wʌ'aŋjamgupyit Diojsismij ñchi'tamuše'ŋ tumduma'ŋbʌn.

Juca iwʌ'smij ñchʌcjaytyamba yacha'cuy, uy yacha'cuy yajwitu'tame, pero tzʌcme'tztamʌ wa'mis ndzʌctamu te' más oyeta'mbʌ tiyʌ mumu pʌ'nis wyi'naŋdʌjqui.

Tumʌquipsoytyamʌ ne'co'mo. Uy mʌja'ŋgomʌ'ytyame nwin, pero yumijcotzʌctamʌ nwin yumijta'mbʌji'ŋ. Uy mujsoyešej comʌ'ytyame nwin.

Te'cotoya, juca nʌ yu'u te' ŋgui'nispapʌ'smij, tzi'ʌ cu'tcuy. Y juca nʌ yoctʌjtzu, tzi'ʌ nʌ'. Juca te'šej mis ndzʌcpa maŋba jyucʌtʌcpo'u tza'ajcu'yis.

Wʌcotzamdamʌ te' nyacsnutzʌctambapʌ'smij. Wʌcotzamdamʌ y uy yatzicotzamyay. Omdzocopyactamʌ omdzocopyaquiajpapʌji'ŋ, y jʌytyamʌ jʌyajpapʌji'ŋ.

Tzi'ya te' wʌ'aŋja'moye tyiyʌta'm ja'ndiyʌ. Tzi'oquiu'yajtamʌ jejcuy.

Jujcha'ndʌ ŋgüerpo's wʌwʌ tiyʌta'm ijtu, pero tumdumʌpʌ tiyʌ's eya'eyaco yoscuy chʌcpa, te'šej tʌta'm, jujche'ŋdʌ nwʌ'aŋjamdamba Cristo, wʌwʌta'mdʌ, pero tumʌpʌ cuerpošejtʌ, y tumduma'ŋbʌn yospa tiyʌ'iwʌcʌsi.