Popular Bible Verses from Romanos 11

Share

Ñe'cʌ's chʌjcu mumutiyʌ, y ñe'cʌpit ijtu, y ñe'cʌcotoya. Yajmʌja'ŋwʌcotzamya mumu pʌ'nis mumu jamacotoya. Amén.

Y ay, ja'ndʌ musi muspʌ'u te' Diojsis jene aŋba'tepʌ myujsoquiuy ni te' ñʌctʌ'yoquiuy. Ja'n musi ñʌctʌ'yjayu ya'iwʌ's tiyʌ quipsaŋgospo'ʌwya'a Diojsis wa'y tyujcu. Y ya'iwʌ's ja'n myusi tiyʌ nʌ chʌjcu ñe'cʌ's.

¿Iwʌ'sa jeque ñʌctʌ'yjayu tʌ Ngomi's quipsoquiuy? ¿O iwʌ'sasʌ'ŋ 'yaŋnʌctza'mʌyu ñe'cʌ?

Te'šejtijque' yʌtijpʌ aŋsʌ'ŋoyj ijtyajumaj cʌchʌ'yʌ Diojsis yajya'moquiupyit copiŋyajupʌ. Y juca yajya'moquiupyit, ja'nande' tʌ ndzʌquipit. Juca inʌc te'šej te' yajya'moquiuy ja'nande' inʌc yajya'moquiuy. Y juca tʌ ndzʌquipit, ja'nande' te' yajya'moquiupyit. Juca inʌc te'šej te' tzʌqui ja'nande' inʌc tzʌqui.

Pero tzatzpʌ'yaju wene 'yaŋmaŋ, y mij, panayupʌ olivo-aŋmaŋšej mij ijtu. Y ŋguiojtyajumij te' tzatzpʌ'yajumʌy wa'mis mbʌcjayu te' wyatzi's ñʌ' y pyʌmi olivo-po'qui'sñe'. Uy comʌ'i juca masmij 'yoye que ja'nde' te' 'yaŋmaŋda'm. Y juca jene oye mis ŋgomʌ'pya nwin, musʌ que ja'nde' mis mbʌmitzi'i te' watzi, sino que te' watzi'smijte' mbyʌmitzi'pa mij.