Popular Bible Verses from ROMANOS 13

Share

Jaꞌ lek chapa abaik ta skuenta te Kajwaltik Jesucristoe jich tutꞌil jun jmakiltike. Ma me anopikix te tut ma tsaꞌamuk ya skꞌupin te atiꞌbalulike.

Ma me ayuk machꞌa kechel abetik yuꞌun. Jaꞌuk nax me abetik te kꞌux ya awaꞌiy abaik ta awoꞌtanik ta juju-tule. Yuꞌun te machꞌa kꞌux ya yaꞌiy ta yoꞌtan te sjoy ta genteile, juꞌix yuꞌun spasel spisil te tut ya yal te mantaliletike.

Spisil genteetik ya skꞌan ya xchꞌuunbeyik smantal te juꞌeletik te aꞌbilik yaꞌtel ta balmilale. Porke maꞌyuk juꞌeletik te ma ta skuentauk Diose, y te juꞌeletik te aye jaꞌ yakꞌojlan stukel te Diose.

Te ajkꞌubale lom kꞌaxemix bael y tijilix ay tal te kꞌajkꞌaltike. Jaꞌ yuꞌun ya skꞌan ya jilestikix te tutik ay ta pasel ta ijkꞌal kꞌinale. Ya skꞌan ya jchap jbajtik yuꞌun te sakil kꞌinale jich tutꞌil jtul soltaro te lek xchapoj sba sok te smajkile sok yaꞌtajibe.

Te machꞌa ay slekil yoꞌtane makꞌ spasbeyix te tut ma tsaꞌamuk te sjoy ta genteile. Ta skuenta te slekil koꞌtantike la jchꞌuuntik ta lek spꞌejel te mantaliletike.

Akꞌaik me ta juju-tul te tut ay ta akuentaik yakꞌele. Te machꞌa ay ta skuenta skꞌanel kontribusione, tojbeyaik te kontribusione. Te machꞌa ay ta skuenta skꞌanel tojemale, tojbeyaik me te tojemale. Te machꞌa ya skꞌan xiꞌele, xiꞌaik me. Te machꞌa ya skꞌan akꞌel ta jkuentae, akꞌaik me ta jkuenta.