Popular Bible Verses from Romanos 13

Share

Po más oy namuyo'yga el Señor Jesucristu, mit nagache'nga ayé mal iyo'tpay najo̱jtat.

Camtángaja pʉjqui nepʉn. Solo mipʉ́jquijat ni'c itp ti inyiwangʉjʉwa'n minu'pʉjʉjnat. Ni'c jeme iwampay imupro̱wije̱way, je' icumplia̱tnup lo que inʉmpay ley.

Nu'pʉjʉn jayajwat ma jayaumayga autoridajat mit jeme más manda̱tcapay, ni'c nu'pʉjʉn jeme manda̱tcapay, Dios iyajcʉs̈p ma manda̱tca. Mit Dios iyajcʉs̈p jeme jinap manda̱tcapay.

Tomo'ganu pa icojawa'n ayé s̈ʉjw itumi'námpay Cristu. Jemni'c ʉjtsat nacuyáguiga nu'pʉjʉn mal nawatcaway ámbanu. Mit jinap nayo'ygáj Dios iluzni'c pa natsʉ̱ngawa'n oy.

Jeme iwampay imupro̱wije̱way igawajtáj mal. Jemni'c ayé jayau iwampay imupro̱wije̱way, icumplia̱tnup lo que inʉmpay ley.

Oy natsó̱jca nu'pʉjʉn napʉ́jquijatway. Tsó̱jca jeme que'chumgapay pa gobernador, mit intso̱jcapey jeme ipʉctsougapay impuestujat. Respetá̱tca jeme imerecia̱tpay respetu. Oyninʉmga jeme merecia̱tpay is̈-oyninʉmgawa'n.