Popular Bible Verses from El Apocalipsis 3

Share

Márauga. Tʉtsʉ̱nap tʉc-auni'c mit tʉcotsp. Te tu'c jayau imarap tʉcots, mit te i-awa̱tsp itʉc-ajw, tʉtʉgʉyáj mam je', mit tʉ-u̱cma'áj mit je', mit je' u̱cma'áj mit ʉ̱.

Tʉnjawinup lo que inwatcapay, ni'c migaje'jat payic ne toypay. ¡Másate oy pi tsʉ̱nga bien payic o bien toyp! Po como mijchat as̈am jogos̈toypay, mit como migaje'jat payic ne toyp, tʉ-ʉ'tspichingʉs̈áj.

Ʉ̱ tʉnche'cta̱jcʉs̈p mit tʉncastiga̱tcʉs̈p nu'pʉjʉn tʉnwangʉs̈pay. Cuji'cs̈iga mit cuyáguiga inma̱jlat.

Tʉnjawinup lo que inwatcapay. Márauga, tʉnyac mam intsʉ̱nga tu'c tʉc-ajw awa'tsicway mit ayé nepʉn ca-oyap igui-atuc. Tʉnjawip ni'c inga-aguepcap maj mʉgʉcway, po majawe'naj inguarda̱tcap lo que tʉnyʉmpay mit inganinʉmgap ni'c is̈cacupʉjcap.

Jeme vencia̱támpay, tʉnmo'áj laj ma tsʉ̱na mit ʉ̱ mam tʉmanda̱t, ni'c ʉ̱ tʉvencia̱tey mit tʉnitsʉ̱nda̱jcʉu mam tʉnte̱t Dios imanda̱t.

Ni'c mijchat inyʉmgap: Tʉricujat, tʉnactangau may tumi̱n, mit neti tʉs̈catogoygap. Mit ingajawigap ni'c inga-aguepcap neti, mit jayajwat is̈-ayo̱wis̈cap, mipro̱wijat, miwínchijcat, mit inga-aguepcap ne jamuc.

Mit inguarda̱tcau lo que tʉnyʉmway ni'c tʉnʉmgʉs̈au pi aguepca calma as̈am ʉ̱, mit jemni'c tʉguarda̱tcʉs̈ámpey pigatunas̈ca, ni'c itunas̈cáj mʉgʉc nu'pʉjʉn jayajwat en ayʉ̱́j mundu, mit cajati pa imi'nwa'n ayé pruebajat.

Ʉ̱ tʉmi'náj pe'jyu. Guardá̱tca jeme impʉctsougaway, nepʉn ma is̈cachi'tcajac impremiujat.

Tsʉ̱́nga prepara̱tic mit cuidá̱tca jeme inaguepcapay, ni'c ayé listu pa is̈actogoygawa'n. Tʉnjawip ni'c ingawatcap oy mam Dios is̈-e'pcap.