Popular Bible Verses from Filipenses 4

Share

Campensa̱tí̱jca ti inwatcámpay, po in-ora̱tcawa'n yo'tcaja Dios nu'pʉjʉn inyesita̱tcámpay, mit is̈yo'tcajawa'n nʉmgaja ni'ctiyu̱s̈.

Mit Dios nas̈moygáj paz najo̱tni'jcat, ni'c je' nas̈moygap paz pa we'n nagajapensa̱tcáj. Mit ayé paz nas̈actsʉ̱ngáj oy pa nagapensá̱tca, ni'c namutʉgʉygau Cristu Jesús.

Jinap hermanujat, tʉnʉmgʉs̈ap pi pensa̱tca nu'pʉjʉn lo que iyacs̈ta'cway, pensá̱tca pa inrespeta̱tcawa'n, pa inyo'ygawa'n yacs̈ic, pa inyo'ygawa'n limpiu, pa injayawangawa'n, pa is̈-oyninʉmgawa'n nu'pʉjʉn. Watca cuenta nu'pʉjʉn cosa oyway mit oyninʉmga nu'pʉjʉn cosa oyway.

Oyap tʉs̈wat nu'pʉjʉn cosajat ni'c Cristu tʉs̈moyp maj.

Ma ji'c injo̱jtat nu'pʉjʉn tiempu ni'c incupʉjcap el Señor. Jinap tʉnyʉmpatu: ¡Ma ji'c injo̱jtat!

Mit ayé Dios jeme tʉnservia̱jtapay is̈moygáj nu'pʉjʉn is̈togoygapay ni'c inmutʉgʉygau Cristu Jesús, ni'c Dios ijtʉp nu'pʉjʉn mam itsʉ̱na oymanac.

Watca nu'pʉjʉn tʉ-ajque's̈cʉs̈away, mit watca-ey nu'pʉjʉn tʉ-actumaraugʉs̈way, mit watca-ey in-is̈caway tʉs̈wat. Mit tsʉ̱náj injo̱tni'jcat ayé Dios iyacpay paz.

Nu'pʉjʉn jayajwat ma jawiga ni'c mijayawangap, ni'c tomo'c pa imi'nwa'n el Señor.

Oyap tʉtsʉ̱na pro̱wij mit oyapey tʉtsʉ̱na ri̱cu. Tʉnmuyujway tʉtsʉ̱nawa'n natu ica'u, te tʉcayp o te tʉgacayp, te tʉnaguep may o te tʉnga-aguep neti.

Ʉ̱ tʉganʉmgʉs̈ap ayʉ̱́j ni'c tʉnaguep mayo'c necesidáj, ni'c ʉ̱ tʉnmuyujway tʉtsʉ̱nawa'n contentu mit lo que tʉnaguepay.