Popular Bible Verses from Filipenses 3

Share

Hermanujat, tʉnganʉmp ni'c tʉncʉs̈way nu'pʉjʉn tʉnyos̈, po tʉnwatp tu'c cosa, tʉnyijawiyo't nu'pʉjʉn jeme tanway mugus̈á̱m mit tʉniwajtʉp mʉgʉc pa tʉsiguia̱twa'n pa jʉpm. Dios tʉs̈ya̱s̈ pa tʉs̈actsʉ̱nawa'n tu'c premiu mit ayé premiu inʉmo'jcʉp vida cacʉs̈ámpay, mit tʉsiguia̱tp pa jʉpm hasta tʉs̈cojyawa'n ayé. Mit Dios nas̈moygáj ayé premiu ni'c nacupʉjcap Cristu Jesús.

Ʉ̱ más tʉnwamp tʉs̈-is̈capwa'n Cristu, mit tʉnwamp tʉs̈mo'áj maj ni'c je' jutucta̱c mit jinap ijtʉp poder. Tʉnwamp tʉs̈tunas̈wa'n as̈am je' iguitunas̈, mit tʉnwamp tʉ-o'cwa'n as̈am je' i-o'jc. Mit tʉnwampey tʉjutucta'cwa'n mam itsʉ̱nga á̱nimajat.

Iyacs̈ta'cway nu'pʉjʉn cosajat tʉnaguep por togoyic ni'c más oy tʉs̈-is̈capwa'n Cristu Jesús el Señor. Jinap tʉncuyaguiway nu'pʉjʉn ni'c tʉnwamp Cristu, mit tʉn-ámpay vida ayé as̈am pu̱tsputs tʉncuyaguiu pa tʉs̈pʉctsowa'n Cristu.

Po ayé cosajat tʉnaguepwayate oy pa ʉ̱, jinap tʉnaguep ayé por togoyic ni'c más tʉnwamp Cristu.