Popular Bible Verses from Hebreos 4

Share

Ni'c Dios ipalabra nas̈moygap vida mit ijtʉp poder, mit más tsucp ni'c ayé as̈am tu'c espada me'icway mechc laj. Ni'c Dios ipalabra i-actujawip nat itsʉ̱na tu'c jayau ijo̱jt, mit i-actujawipey ti iwatpay tu'c jayau. Mit i-actu-is̈cap nat ipensa̱t tu'c jayau mit ti iyo'tpay ijo̱jt.

Jemni'c naconfiá̱tca nas̈cutomigawa'n Dios itrononi'c ni'c je' nas̈wano'jcap, pa we'n nas̈-ayo̱wis̈cámpey mit nas̈majyigáj cuandu nas̈nesita̱tcawa'n tanti.

Na-aguepcap tu'c mʉjpa̱nij, mit ayé Jesús. Je' oyap nas̈-ayo̱wis̈cap cuandu nas̈ca-aguepcawa'n maj pa navencia̱tcawa'n, ni'c je' tsʉ̱nau proba̱tic en nu'pʉjʉn as̈amu ʉjtsat, po je' igawatu nejʉmay mal.

Mit ca-itp tu'c cosa iwatway Dios iganijawiyámpay je'. Po nu'pʉjʉn cosa itpay je' i-e'p mit ca-oyap neti itsʉ̱na cuyu'tsic, mit ʉjtsat nanʉmgajámpey Dios ti nawatcaway.

Jinap na-aguepcap tu'c meru mʉjpa̱nij mit je' coy meru mam itsʉ̱na Dios tsajpni'c, mit ayé Jesús Dios iway. Jemni'c nasiguiá̱tca mʉgʉc mit lo que nacupʉjcapay.

Nasiguiá̱tca mʉgʉc pa nacoygawa'n en ayé lugar mam napo'cs̈cawa'n, pa nagaca'uga-ey as̈am ayé jayajwat jeme cajayaumaygaway.