Popular Bible Verses from Efesios 2

Share

Ni'c Dios nas̈watcau, mit nas̈namwatcawatu ni'c namutʉgʉygau Cristu Jesús, pa we'n nawatcajáj lo que oyway, ni'c Dios ipensa̱t ámbanu pa nas̈watcawa'n cosa oyway.

Mitsʉ̱ngap salva̱tic ni'c Dios is̈moygau favor ni'c incupʉjcau je', caje' ni'c inwatcau oy, po Dios is̈acmingajau ayé favor as̈am tu'c regalu. Caje' ni'c tu'c jayau iwatp oy pa inisalva̱jtʉwa'n, ni'c we'n oyáj inimʉjninʉjmʉ.

Po Dios nas̈-ayo̱wis̈o'jcau mit nas̈wano'jcau. Mit cuandu natsʉ̱́ngaj as̈am o'guic mit nama̱jlat, je' nas̈moygau vida ni'c namutʉgʉygau Cristu, mit nas̈salva̱tcau ni'c nas̈moygau favor

mit como namutʉgʉygau Cristu, jinap natsʉ̱ngap as̈am Dios nas̈acjutucta̱jcaway mit je', mit natsʉ̱ngap oy mit Cristu Jesús as̈am natsʉ̱nganupay en ayé lugajrat tsajpni'cway.

Mit jinap migajaje'jat pe'ta̱majyat ne migajatsʉ̱ngap yagats, po inaguepcap parte mit Dios ijayajwat, mit inmutʉgʉygawey nu'pʉjʉn icupʉjcapay Dios. Mijchat incupʉjcap ayé ama̱s̈an iyajcaway apóstojlat mit profetajat jeme cotscaway pa Dios, mit ayé as̈am tu'c base, mit Jesucristu as̈am ayé tsa' tsʉ̱napay esquinani'c mit ayé itsʉmtso̱p nu'pʉjʉn.