Popular Bible Verses from Hechos 20

Share

Siempre tʉ-ajque's̈cʉs̈au ni'c wename is̈watcawa'n. Itp ti is̈majyigawa'n nesitá̱tijcatway, mit pi nijawiga lo que inʉmway el Señor Jesús: “Más oy nas̈yacwa'n lo que na-aguepay que nas̈pʉctsowa'n.”

Po tʉngawatp cuenta neti jeme tʉs̈jatámpay, ne tʉngache'mp lo que ʉ̱jyu tʉnwampay. Solo tʉnwamp tʉs̈cumplia̱twa'n lo que Dios tʉs̈nʉjmaway pa ma ji'c tʉnjo̱jt, mit tʉnwampey tʉs̈cumplia̱twa'n ayé yos̈ jeme tʉs̈moyway el Señor Jesús. Tʉtsʉ̱nap encarga̱tic pa tʉs̈nʉmgʉs̈awa'n nu'pʉjʉn jayajwat ayé oyway noticia, pa ma jawiga ni'c Dios ayé nas̈moygapay favor.

Nicuidá̱tcʉjʉ mijchat, mit cuidá̱tca-ey nu'pʉjʉn cupʉcpajyat mam intsʉ̱nga, ni'c Espíritu Santu is̈yajcau encarga̱tic pa is̈cuida̱tcajawa'n el Señor Jesús icupʉcpajyat, ni'c je' o'c pa iguitso̱jcʉs̈awa'n ima̱jlat.

’Jinap, hermanujat, tʉyajcʉs̈áj Dios icʉ'jugum pi is̈cuida̱tcac, mit tʉyajcʉs̈áj ayé oyway noticia pa pi jawiga ni'c Dios nas̈moygap favor. Ayé oyway noticia oyap is̈majyigap pa pi pʉjca maj mit Dios, mit we'n impʉctsougáj tu'c lugar tsajpni'c mam itsʉ̱nga nu'pʉjʉn jayajwat jeme Dios i-aparta̱tcʉs̈way.