Popular Bible Verses from 2 Timoteo 1

Share

Dios igawamp napʉ̱tcawa'n, iwamp na-aguépca maj najo̱tni'jcat. Je' iwamp naniwángʉjʉ, iwamp nagawátca tigapa'tu.

Dios nas̈salva̱tcau mit nas̈ya̱s̈cau pa naserviá̱tcaja je'. Dios nas̈salva̱tcau ni'c nas̈wano'jcau, caje' ni'c nawatcau oy pa je' nas̈pʉctsougáj. Nas̈moygau ayʉ̱́j favor ni'c we'n iguiwajn Dios antes ichu̱chij ayʉ̱́j mundu ni'c namutʉgʉygau Cristu Jesús.

Jemni'c tʉtsawi mi̱ pi cuida̱t oymanac ayé favor is̈moyway Dios cuandu tʉyájcaj tʉncʉ'jat inyucuinm.

Jemni'c camwinchu̱ga is̈nʉmdacyo'ywa'n ni'c incupʉcp el Señor, ne camwinchu̱ga ni'c ʉ̱ tʉtsʉ̱nap presu. Tʉntunas̈p ni'c tʉncupʉcp el Señor, mit mi̱ oy pi tunas̈ey as̈am ʉ̱ ni'c nawangap ayé oyway noticia, mit Dios nas̈moygáj maj.

Mit jinap tʉntunas̈p mʉgʉc po tʉgawinchu̱gap ni'c tʉnjawip pʉn tʉncupʉcp mit tʉtsʉ̱nap seguru ni'c Dios oyap iguiguarda̱t tʉmvida ni'c tʉnyajcau ayé icʉ'jugum pa ayé s̈ʉjw ijuzga̱twa'n je'.