Popular Bible Verses from 1 Timoteo 6

Share

Defendia̱t oymanac lo que nacupʉjcapay. Pʉctsou oy ayé vida jeme cacʉs̈ámpay ni'c Dios is̈ya̱s̈ pa is̈pʉctsowa'n ayé vida. Mit inactujawigʉs̈ may jayajwat ni'c oyo'gu incupʉc.

Mit te más nawangap tumi̱n, ca-oy ayé ni'c jem ichu̱chi nu'pʉjʉn mal. Mit cʉjtu'c más iwangau tumi̱n hasta icuyaguigau lo que icupʉjcaway, mit cʉs̈ más itunas̈cau.

Po más valia̱tp te na-adora̱tcap Dios iyacs̈ta'cway mit te natsʉ̱ngap contentu mit lo que na-aguepcapay.

Ni'c neti nagamumingawu en ayʉ̱́j mundu, mit na-o'jcawa'n netijéy nagamunʉs̈cáj.

Manda̱tcʉs̈ jeme ricujatway en ayʉ̱́j mundu maganimʉjninʉ́mgʉjʉ, ne magaconfia̱tca mit itumi̱jnat jeme cʉs̈pay, po ma confia̱tca mit ayé Dios jeme tsʉ̱napay pa siempre, mit je' nas̈moygap nu'pʉjʉn cosajat pa natsʉ̱nga oy.

Po jeme iwangapay ijatcawa'n ricu, más iguimingajáj prueba mʉgʉcway mit iguipichingajáj mal. Iwangáj may cosajat caservia̱tcapay mit iguiwatcajáj mal. Mit ayé cosajat igui-actogoygap jayajwat.

Manda̱tcʉs̈ ayé ricujat ma watca oy, ma ayo̱wis̈ca jayajwat, ma majyiga pro̱wijat mit lo que i-aguepcapay. Pa we'n itcʉjʉ̱́j ayé riqueza jeme cacʉs̈ámpay pa ayé tiempu mi'námpay. Ayé inʉmo'jcʉp ni'c ipʉctsougáj oy ayé vida cacʉs̈ámpay.