Popular Bible Verses from 1 Pedro 4

Share

Jinap más oy pi watca ayʉ̱́j: Pi niwangʉjʉ may minu'pʉjʉjnat, ni'c te miniwangʉjʉp, ingawatcáj cuenta te tambʉn is̈watcajap mal, mit miniperdona̱tcʉjʉ̱́j.

Dios imoy favor cada jayau pa ma oya iguimajyiwa'n ihermanu, mit miyos̈watcáj oy pa Dios te inmajyigap inhermanujat ni'c Dios is̈yajcau pa pi watca we'n.

Te tu'c jayau cotsp, ma cots as̈am Dios iguiwa'n. Te tu'c jayau iservia̱jtap ihermanu, ma servia̱t as̈am Dios iguimoyp maj pa iguiwatwa'n. Pa we'n Dios tsʉ̱náj oyninʉmic ni'c Jesucristu nas̈moygap nu'pʉjʉn. Na-oyninʉ́mga je' ni'c ijtʉp poder pa nu'pʉjʉn tiempu. Amén.

Po tu'c jayau magawinchú̱ga te itunas̈p ni'c isiguia̱jtap Cristu, po ma oyninʉm Dios ni'c je' imutʉgʉyp Cristu.

Mit tomo'ganu pa icʉs̈wa'n nu'pʉjʉn cosajat. Jemni'c pensá̱tca oy mit oratí̱jca.

Mijchat tʉwangʉs̈pay, camnigu-épigʉjʉ te is̈mingajap mʉgʉcway pruebajat, ni'c itp ti is̈jatcáj we'n. Más oy ma ji'c injo̱jtat ni'c intunas̈cap as̈amu Cristu iguitunas̈, pa we'n ique's̈ta'cwa'n oymanac je', ji'gáj injo̱jtat mʉgʉc.

Nipʉctsóugʉjʉ oymanac minu'pʉjʉjnat mit camniquejá̱tcʉjʉ.

Jemni'c te ʉjtsat natunas̈cap as̈am iguiwa'n Dios, na-entregá̱tcaja je' navidajat mit nawátca oy. Ni'c ʉjtsat Dios nas̈watcau mit je' cumplia̱tp.

Cristu itunas̈ icuerpuni'c pa ʉjtsat, mit mijchat tsʉ̱́nga-ey dispuestu pa is̈tunas̈cawa'n, ni'c jeme itunas̈way icuerpuni'c, igajawa'náj iguiwatwa'n mal. Mit jinap tsʉ̱náj en ayʉ̱́j vida pa iguiwatwa'n lo que Dios iwampay, mit caje' pa iguiwatwa'n lo que iyo'tpay ijo̱jt.

Ni'c te is̈tucotscap ni'c incupʉjcap Cristu, ma ji'c injo̱jtat, ni'c tsʉ̱nap injo̱tni'jcat ayé Dios jeme oyninʉmicway. Iyacs̈ta'cway ayé maljayajwat imalninʉmgap Cristu po mijchat in-oyninʉmgap.