Popular Bible Verses from Romanos 14

Share

come ti' yumʌntel Dios ma'añic mi' coltañonla chuqui mi lac c'ux mi chuqui mi lac jap; cojach toj bʌ lac pusic'al, yic'ot i ñʌch'tʌlel; yic'ot i tijicñʌyel lac pusic'al ch'oyol bʌ ti Ch'ujul bʌ Espíritu. Pero jiñi mu' bʌ i melben i ye'tel Cristo yic'ot i c'ʌjñibal che' bajche' jiñi, mi' q'uejlel ti uts'at ti Dios yic'ot ti wiñicob.

Mi cuxulonla, cuxulonla cha'añ mi' q'uejlel ti ñuc lac Yum; yic'ot mi woli lac chʌmel, woli lac chʌmel cha'añ mi' q'uejlel ti ñuc lac Yum. Jiñi cha'añ mi cuxulonla, o mi woli lac chʌmel, i cha'añonla lac Yum.

Jiñi cha'añ la' lac ña'tan chuqui tac yom cha'añ ñʌch'ʌl mi la cajñel yic'ot cha'añ mi laj comol colel majlel ti Cristo.

Jiñi cha'añ, mach yomix mi lac chʌn q'uel ti xmulil lac pi'ʌlob, la' jach laj q'uel lac bʌ cha'añ ma'añic mi lac yʌsan ti mulil lac quermañujob.

come ts'ijbubil: “Cuxulon, che'en lac Yum, mi caj i ñocchocoñob i bʌ tic tojel pejtelel wiñicob x'ixicob, yic'ot ti pejtelelob mi caj i su'bob i ñuclel Dios”, che'en. Jiñi cha'añ ti jujuntiquilonla mi caj lac su'b lac bʌ ti' tojel Dios.

Ch'ʌmʌla ti la' wenta jiñi c'uño' bʌ ti' ñopol Dios, pero mach cha'añic mi caj la' cʌlʌx pejcan che' bajche' woli la' ña'tan ti la' pusic'al.

¿Jatet majquiyet, cha'añ ma' melben i wiñic yam bʌ yumʌl? I wentajʌch i yum cha'añ mi' q'uel mi uts'at añ o mi mach uts'atic; pero xuc'ul mi caj i yajñel, come añ i p'ʌtʌlel lac Yum cha'añ mi' xuc'chocon.