Popular Bible Verses from Romanos 10

Share

Mi tsa' su'bu ti a wej a Yumʌch Jesús, mi tsa' ñopo ti a pusic'al cha'añ Dios tsi' teche ch'ojyel ba'añ chʌmeño' bʌ, mi caj a coltʌntel.

Come ti lac pusic'al mi lac ñop cha'añ mi la cʌq'uentel toj bʌ lac pusic'al; pero ti la quej mi lac su'b cha'añ tsa'ix lac ñopo, che' jiñi mi laj coltʌntel.

Jiñi cha'añ mi lac ñop che' mi la cu'bin yic'ot mi lac cu'bin i t'añ Dios che' mi lac su'bentel.

Come i Ts'ijbujel Dios mi' yʌl: “Pejtelel jiñi mu' bʌ i ñop lac Yum Jesús ma'añic mi caj i yu'bin quisin”, che'en. Come junlajalob jach judíojob yic'ot griegojob, come juntiquil jach lac Yum ti lac pejtelel, mi yʌq'ueñob oñ bʌ i yutslel i pusic'al pejtelel mu' bʌ i pejcañob. Come majqui jach mi' pejcan lac Yum ti' c'aba' mi taj i coltʌntel.

¿Bajche' mi mejlel i cha'leñob subt'añ mi mach chocbilobic majlel? Che' bajche' ts'ijbubil: ¡Wen i t'ojol jax i yoc jiñi mu' bʌ i su'bob jiñi wen t'añ mu' bʌ i yʌq'ueñonla i ñʌch'tʌlel lac pusic'al!

¿Bajche' mi' mejlel i pejcañob lac Yum wiñicob x'ixicob che' maxto añic tsi' ñopoyob? ¿Bajche' mi mejlel i ñopob lac Yum che' maxto añic tsi' yu'bibeyob i t'añ? ¿Bajche' mi caj i yu'bibeñob i t'añ mi ma'añic majqui mi' su'beñob?

come ti Cristo tsa' jili i c'ʌjñibal mandar, mi yʌq'uentel toj bʌ i pusic'al majqui jach mi' ñop.