Popular Bible Verses from Romanos 1

Share

Ma'añic mic cha'len quisin cha'añ jiñi wen t'añ, come jiñʌch i p'ʌtʌlel Dios cha'añ mi' coltañ pejtelel mu' bʌ i ñopob, ñaxan jiñi judíojob, wi'il jiñi griegojob

come ti jiñi wen t'añ mi' tsictiyel toj bʌ i pusic'al Dios mu' bʌ i yʌq'ueñonla che' mi lac ñop, yic'ot cha'añ chʌn xuc'ul mi lac ñop che' bajche' ts'ijbubil: “Jiñi mu' bʌ i q'uejlel ti toj cha'añ jach tsi' ñopo Dios, chʌn cuxul mi caj i yajñel”.

Anquese ma'añic mi laj q'uel ti lac wut, tsiquil i p'ʌtʌlel yic'ot i ña'tʌbal, come c'ʌlʌl ti' cajibal pañimil tsiquil añʌch Dios, come tsiquil ti' melbal. Jiñi cha'añ bʌjobʌch i bʌ che' ma'añic mi' ñopob.

Anquese tsi' cʌñʌyob Dios, ma'añic tsi' ch'ujutesayob, ma'añic tsi' su'beyob wocolix i yʌlʌ. Tsa' utsi asiyiyob ti' bajñel ña'tʌbal yic'ot tsa' p'ojliyob i tontojlel i pusic'al.

come tsi' q'uextʌbeyob isujmlel Dios ti jiñi mach bʌ isujmic, tsi' ch'ujutesayob jiñi melbil tac bʌ, tsi' melbeyob i q'uiñilel. Ma'añic tsi' ch'ujutesayob Dios tsa' bʌ i mele pejtelel chuqui tac añ, jiñi yom bʌ mi' sujbel i ñuclel ti pejtelel ora. Amén.

Come mi' tsictiyel i mich'ajel Dios ya' ti panchan, ti' contra pejtelel xmulilob yic'ot ti' tojlel pejtelel mach bʌ añic mi' melob chuqui toj come mi' mʌctañob isujmlel ti' jontolilob

Jiñi cha'añ Dios tsi' cʌyʌyob, come woli' melob quisintic jax bʌ i colosojlel i pusic'alob, come jiñi x'ixicob i cha'año' bʌ tsi' cʌyʌyob i c'ʌjñibal wiñicob, tsi' laj bʌ pi'leyob i bʌ. Che' ja'el wiñicob tsi' cʌyʌyob i c'ʌjñibal x'ixicob, wo'ob jax ti' ts'i'lel, tsi' wʌlʌc pi'leyob i bʌ, quisintic jax bajche' tsi' meleyob che' bʌ tsi' laj bʌ pi'leyob i bʌ, jiñi cha'añ tsa' aq'uentiyob i tojol i mul che' bajche' añob i jontolil. Come mach yomobic i wis ña'tan Dios, jiñi cha'añ Dios tsi' cʌyʌyob cha'añ mi' ña'tañob chuqui tac bi'bi' yic'ot cha'añ mi' cha'leñob chuqui tac mach bʌ weñic.

Che' bʌ tsi' lon ña'tayob ca'bʌlobʌch i ña'tʌbal, tsa' utsi ochiyob ti tonto, come tsi' q'uextayob i ñuclel Dios mach bʌ yujilic jilel ti' yejtal wiñic yujil bʌ jilel, yic'ot ti' yejtal te'lemut tac, yic'ot ti' yejtal jiñi cotol tac bʌ, yic'ot ti' yejtal jiñi jʌlʌcña bʌ mi' majlel.