Popular Bible Verses from Mmɛbusɛm 3

Share

Fa wʼakoma nyinaa to AWURADE so na mmfa wo ho nto wʼankasa nteaseɛ so; hunu no wʼakwan nyinaa mu, na ɔbɛtene wʼakwan.

Nnye wo ho nni sɛ woyɛ onyansafoɔ suro AWURADE na kyiri bɔne.

Fa wʼahonya hyɛ AWURADE animuonyam, ne wo nnɔbaeɛ a ɛdi ɛkan nyinaa; na ɛno na ɛbɛma wo pata ayɛ ma abu so, na nsã foforɔ abu afa wʼankorɛ so

Mma adɔeɛ ne nokorɛ mfiri wo nkyɛn fa yane wo kɔn mu twerɛ gu wʼakoma ɛpono so.

Me ba, sɛ AWURADE tene wo so a, tie no yie, na sɛ ɔka wʼanim a, mpa aba, Ɛfiri sɛ, obiara a AWURADE pɛ nʼasɛm no, ɔtwe nʼaso, sɛdeɛ agya tene ɔba a ɔdɔ no so no.

Me ba, mma wo werɛ mfiri me nkyerɛkyerɛ, kora me mmara yi wɔ wʼakoma mu, na ɛbɛma wo nkwa aware, mfeɛ bebree na ɛde yiedie abrɛ wo.

Nhyira nka onipa a ɔhunu nyansa, onipa a ɔnya nteaseɛ, ɛfiri sɛ, nimdeɛ ho mfasoɔ sene dwetɛ, na deɛ ɛfiri mu ba sene sikakɔkɔɔ. Ne boɔ yɛ dene sene bota; na worentumi mfa wʼapɛdeɛ biara ntoto ho.

Mfa ade pa nkame wɔn a wɔfata, ɛberɛ a tumi wɔ wo nsam.

Nyansa mu na AWURADE yɛɛ asase fapem, na nteaseɛ mu na ɔde ɔsoro timii hɔ.