Popular Bible Verses from Mmɛbusɛm 16

Share

Fa deɛ woyɛ nyinaa hyɛ AWURADE nsam, na wo nhyehyɛeɛ bɛsi yie.

Onipa yɛ ne nhyehyɛeɛ wɔ nʼakoma mu, nanso AWURADE na ɔhwɛ nʼanammɔntuo.

Abodwosɛm te sɛ ɛwokyɛm ɛyɛ ɔkra dɛ, na ɛsa nnompe yadeɛ.

Akoma mu nhyehyɛeɛ yɛ onipa dea, na tɛkrɛma mmuaeɛ firi AWURADE.

Deɛ ɔwɔ abodwokyerɛ no yɛ sene ɔkofoɔ, na deɛ ɔmfa abufuo yɛ sene deɛ ɔko fa kuropɔn.

Ahantan di ɔsɛeɛ anim, na ahomasoɔ honhom nso di ahweaseɛ anim.

Ɛyɛ onipa sɛ nʼakwan nyinaa yɛ kronn nanso AWURADE na ɔpɛɛpɛɛ adwene mu.

Deɛ ɔyɛ ɔsetie ma nkyerɛkyerɛ no nya nkɔsoɔ; nhyira nka deɛ ɔde ne ho to AWURADE so.

Kakraa bi a wɔnam tenenee kwan so nya no yɛ sene mfasoɔ pii a wɔnam ntɛnkyea so nya.

Ɛkwan bi wɔ hɔ a ɛyɛ wɔ onipa ani so, nanso ɛkɔwie owuo mu.

Onipa kɔntɔnkye de mpaapaemu ba, na osekuni tete nnamfonom ntam.