Popular Bible Verses from 5 Mose 6

Share

Dɔ AWURADE wo Onyankopɔn firi wʼakoma mu nyinaa ne wo kra nyinaa mu ne wʼahoɔden nyinaa mu.

Momfa nhyɛ mo mma mu. Sɛ mowɔ fie anaa monam ɛkwan so, sɛ moda hɔ anaa mosɔre anɔpa a, monkyerɛkyerɛ wɔn.

Momma saa mmaransɛm a mede rema wo ɛnnɛ yi ntena mo akoma mu.

Tie, Ao Israel, AWURADE yɛn Onyankopɔn yɛ Awurade koro.

Monkyekyere no sɛ agyinahyɛdeɛ mmɔ mo nsa na momfa bi mmɔ abotire.

Montwerɛ ngu mo fie aponnwa ne mo aboboanopono ho.

Ɛsɛ sɛ mosuro AWURADE, mo Onyankopɔn, na mosom ɔno nko ara. Ne din nko ara na momfa nka ntam.

Ɛrenkyɛre biara, AWURADE mo Onyankopɔn de mo bɛba asase a ɔkaa ntam sɛ ɔde bɛma mo agyanom Abraham, Isak ne Yakob no. Ɛyɛ asase a animuonyam nkuropɔn a ɛnyɛ mo na mokyekyereeɛ ahyɛ so ma. Wɔde nneɛma pa a ɛnyɛ mo na moyɛeɛ bɛhyɛ no ma. Mobɛto nsuo afiri abura a ɛnyɛ mo na motuiɛ mu, na mobɛdidi afiri turo a ɛnyɛ mo na moyɛeɛ mu ne ngo nnua a ɛnyɛ mo na moduaeɛ. Sɛ modidi mee wɔ saa asase yi so wie a, monhwɛ yie na mo werɛ amfiri AWURADE a ɔgyee mo firii nkoasom mu Misraim asase so no.

Yeinom ne ahyɛdeɛ, mmara ne nhyehyɛeɛ a AWURADE mo Onyankopɔn ka kyerɛɛ me sɛ menkyerɛ mo na monni so wɔ asase a moretwa Yordan akɔtena so no, sɛdeɛ ɛbɛyɛ a mo, mo mma ne wɔn mma bɛsuro AWURADE mo Onyankopɔn mmerɛ dodoɔ a mote ase. Sɛ modi ne mmara ne nʼahyɛdeɛ nyinaa so a, mo nkwa nna bɛware.

Monyɛ deɛ ɛtene na ɛyɛ wɔ AWURADE ani so na biribiara awie mo yie. Na moakɔ akɔtena asase pa a AWURADE hyɛɛ ho bɔ kyerɛɛ mo agyanom no.

na AWURADE mo Onyankopɔn a ɔwɔ mo ntam no yɛ Onyankopɔn ninkunfoɔ a nʼabufuhyeɛ no bɛhye mo na ɔbɛsɛe mo afiri asase so.

Monnni anyame foforɔ akyi—anyame a wɔyɛ nnipa a wɔatwa mo ho ahyia no dea

Monnsɔ AWURADE, mo Onyankopɔn, nhwɛ sɛdeɛ moyɛeɛ ɛberɛ a na mowɔ Masa no.