Popular Bible Verses from AONEGA HEREVADIA 26

Share

Kavakava tauna be, iena kavakava hegeregerena do oi haere henia lasi, ia danu do oi hegeregere garina. Ma kavakava tauna be, iena kavakava hegeregerena do oi haere henia, ia sibona do ia laloa ia be mai ena aonega garina.

Kavakava tauna ese, iena kara kava ma ia karaia lou noho, iena mumuta dekenai ia giroa lou noho sisia bamona.

Bema au be lasi neganai, lahi be ia bodo noho, bona bema hadikaia hereva be lasi neganai, heai be do ia doko.

Guri ia geia, haida be ia lalonai do idia moru totona tauna, be ia sibona unai guri lalonai do ia moru. Bona nadi ia keia hamatamaia tauna, be ia sibona unai nadi ese do ia hadikaia ore.

Tau ta oi itaia, ia sibona aonega ia gwauraia noho? Kavakava tauna be sisina ia namo, to unai tau be ia namo diba lasi.

Tau haida edia heai lalonai ia vareai noho tauna, be ia raka hanaia tauna ese, sisia ena taiana ia dogoatao noho bamona.