Popular Bible Verses from Loma꞉ 3

Share

Wanda꞉hali paeya ta꞉paoma꞉ hoke hau pea hata꞉ta꞉ hande da꞉tao hala꞉ Koda꞉ teke pa꞉ta꞉ na haloma꞉pate ipikana꞉ma꞉ ipika꞉ pa a꞉ta꞉ma꞉ homolo hata꞉ kieke ekima꞉ nikita꞉ ipiki yaapo tikitiki yao hamono la꞉la꞉me. Koda꞉ma꞉ koto pa꞉la꞉ ekita꞉ Yesu Ketisoma꞉ niki ka꞉la꞉pa꞉ tapaala꞉ ekima꞉ pina꞉ la꞉la꞉me.

Wanda꞉halima꞉ Yesu Ketiso pa꞉ta꞉ hone tulaaseme ekima꞉ Koda꞉ma꞉ ikita꞉ ipiki pa꞉ta꞉ tikitiki yao hamina꞉ lo hala꞉me. Ketiso pa꞉ta꞉ hone tulaaseme wanda꞉hali paeya ta꞉pao pa꞉ta꞉ Koda꞉ma꞉ koto hau pu hala꞉me. Diu wanda꞉hali make Diendaili wanda꞉hali make ta꞉ta꞉ pea na haleme ekina꞉ loa꞉me.

Koda꞉ma꞉ta꞉ Yesu Ketiso mea haena꞉ laata꞉ ipiki homolo hata꞉ ipika꞉ we lopolo piekeme. Lopeeke ekima꞉ ipiki pa꞉ta꞉ hone tulaalo peleme wanda꞉halina꞉ hoke hau pelemeeki manuta꞉ pa paeyaena꞉ leekeme. Koda꞉ma꞉ koto pa꞉la꞉ ekita꞉ ipika꞉ tikitiki hau pita꞉la꞉eki peneme yao waluekema꞉ piekeme. Amba꞉ta꞉ Koda꞉ma꞉ wanda꞉halina꞉ hoke hau peleme ekimanu leke honikima꞉ hando ankulao handeteke hao hayekepate ameta꞉ ipika꞉ tikitiki hau pita꞉la꞉eki peneme yao waluekema꞉ wanda꞉halina꞉ hoke hau pelemeeki manuna꞉ hau ma꞉nda꞉ pu hala꞉me. Koda꞉ma꞉ kutu pita꞉la꞉ ekima꞉ ipikana꞉ma꞉ kone tikitiki hau pu hala꞉eki Yesu Ketiso pa꞉ta꞉ hone tulaaseme wanda꞉hali ipiki yaapo tikitiki yao hamena꞉ la꞉la꞉eki make wala꞉la꞉me.

Do ekina꞉ yeke loa꞉me. Ma꞉nda꞉ hali a꞉nda꞉ma꞉ hande Lo Pimanu opua pa꞉la꞉ ekina꞉ Koda꞉ pa꞉ta꞉ tikitiki yao hapeke na ya꞉la꞉me. Mo hande Lo Pi manuma꞉ pita꞉la꞉ ekita꞉ wanda꞉halima꞉ ika꞉ hoke hau pelemeeki hone wina꞉ pita꞉la꞉me.

Mo Baibolo bukana꞉ wape pa꞉la꞉ tupa꞉ Ma꞉nda꞉ hali a꞉nda꞉ Koda꞉ pa꞉ta꞉ tikitikina꞉ na hala꞉me. Ma꞉nda꞉ hali a꞉nda꞉ma꞉ tikitiki pikieki na handa꞉la꞉me. Ma꞉nda꞉ hali a꞉nda꞉ma꞉ Koda꞉ homeke na weiyu hala꞉me. Haliweki paeyaoma꞉ta꞉ Koda꞉ hoki nane yao halememe. Paeya ta꞉pao hao hoeyaalememe. Ma꞉nda꞉ hali a꞉nda꞉ homekema꞉ kone epeke hau na pu hala꞉me.

Nika꞉ handa꞉ witoloma꞉ pita꞉ dupa. Hali ma꞉nda꞉ma꞉ ipika꞉ hone tulaasa꞉ ekima꞉ homeketa꞉ Koda꞉ma꞉ ipiki yaapo tikitiki yao haena꞉ lelieke. Koto halima꞉ hande Lo Pimanu opua pita꞉la꞉ ekima꞉ na haena꞉ lelieke.

Ota꞉ dia꞉me. Wanda꞉hali paeyaoma꞉ yayapiki pi alo hamina꞉ kone Koda꞉ma꞉ta꞉ ota꞉ pi homeke lo halieke. Hande Baibolo bukana꞉ wape pa꞉la꞉ tupa꞉ Nakana꞉ma꞉ ale pita꞉ paeyaoma꞉ opuaata꞉ ota꞉ tikitiki piki pi aleme laa hone wilimikie. Neke pa꞉ta꞉ pi yokaalu pitiki pimika꞉na꞉ta꞉ hoto paeyao wini pea꞉tiki pilipikie wape pa꞉la꞉me.