Popular Bible Verses from Матай 24

Share

Хар үүлмүд немгдәд, кесгиннь дурнь киитрх. Күцднь тесснь авргдх.

Зуг түрүләд келн әмтн болһнд һазрин зах күртл Теңгрин йосна туск Сән Зәңг делгрх. Орн-нутг болһнд Сән Зәңгиг авх арһ күртх. Тегәд чилгч ирх, – гиҗ Исус келв.

Тадн өөрхн болҗах, бас хол болҗах дәәнә тускар соңсхит. Зуг бичә әәтн! Тиим болх зөвтә. Зуг тер чилгч биш.

Нег келн әмтн талдан келн әмтнә өмнәс босҗ дәврх. Нег орн-нутг талдан орн-нутгла дәәллдх. Ик харһнлһна, һазр чичрлһнә аюл энд-тенд учрх. Цуг эн үрн төрхин өмн экиннь элк мошклһна эклц мет болх.

Теңгр һазр хойр уга болҗ одх, зуг Мини келсн үгмүд сольгдшго.

Кесгнь Мини нер зүүһәд, әмтиг мекләд, би Христос гиҗ келх.

Тадниг басл зовах, дәкәд цокҗ алх. Келн-әмтн болһн Нанас көлтә таднд дурго болх. Кесгнь иткләсн цухрад, нег-негндән дурго болад урвх. Тер цагт кесг худл әәлдәчнр ирәд, олн әмтиг меклх.

– Хәлән бәәтн! Әмтн тадниг меклвзә!

Тер учрар бас белн бәәтн! Күмни Көвүн тадниг эс күләҗәсн цагт лавта күрәд ирх.

Бийән сергг бәртн! Тадна Эзн ямаран өдрт ирхинь тадн медхшлмт.

Тер өдрин болн цагин тускар келхлә, энүнә тускар күн медхш: Теңгрт бәәсн Бурхна элчнр чигн, Көвүн чигн медхш, һанцхн Эцк меднә.

Юңгад гихлә, худл Христосмуд болн әәлдәчнр ирх йовдл учрхла, шүүҗ авгдсн улсиг чигн меклхәр ик өвәрц, онц темдгүд үзүлх.

Ноах бәәсн цагт юн учрла, тиим юмн Күмни Көвүг хәрү ирхлә учрх. Тер өдрмүдт усна аюлын өмн әмтн хотан идлдәд, уулдад, гер авлдад, хәрд һарлдад бәәлә. Тиигәд тедн Ноах кермдән ортл бәәһәд бәәҗ. Усна аюл ирәд, тедниг уга кетл, тедн тиим юмн болх гиҗ сансн уга. Күмни Көвүг хәрү иртл бас тиигҗ болх.