Popular Bible Verses from ᐅᔭᓱᐁᐧᐊᐧᐠ 16

Share

ᐁᑲᐧ ᑭ ᐃᑌᐤ, ᐱᓬᐃᐢᑎᓇᐠ ᑯᑎᑎᓂᑲᐧᐠ ᓵᒼᓴᐣ. ᑭ ᑯᐢᑯᐢᑳᐤ ᒫᑲ ᐁ ᑭ ᓂᐹᐟ, ᐁᑯᓯ ᑭ ᐃᑌᐧᐤ, ᓂ ᑲ ᐊᐧᔭᐃᐧᐣ ᑖᐱᐢᑯᐨ ᑲᔭᐦᑌ, ᒥᓇ ᓂ ᑲ ᐸᐦᐸᐃᐧᐣ. ᓇᒪᐃᐧᔭ ᒫᑲ ᑭᐢᑫᔨᑕᒼ ᑳ ᑎᐯᔨᐦᒋᑫᔨᐟ ᐁ ᓇᑲᑎᑯᐟ.

ᐁᑲᐧ ᓵᒼᓴᐣ ᑭ ᒪᐃᐧᒧᐢᑕᐁᐧᐤ ᑳ ᑎᐯᔨᐦᒋᑫᔨᐟ, ᒥᓇ ᑭ ᐃᑌᐧᐤ, ᑌᐯᔨᐦᒋᑫᔭᐣ ᑭᓭᒪᓂᑐ, ᑭᐢᑭᓯᑐᑕᐃᐧᐣ ᑭ ᐸᑯᓭᔨᒥᑎᐣ, ᒥᓇ ᒪᐢᑲᐃᐧᓯᐃᐣ, ᑭ ᐸᑯᓭᔨᒥᑎᐣ, ᐅᒪ ᐱᑯ ᐯᔭᑳᐧᐤ, ᑭᓭᒪᓂᑐ, ᐊᔭᐃᐧᐢ ᑭᑕ ᐋᐯᐅᔮᐣ ᐱᓬᐃᐢᑎᓇᐠ ᑳ ᑭ ᑐᑕᐦᑭᐠ ᐁ ᓂᓯᑭ ᓂᐢᑭᓯᑲᐧ.

ᑭ ᐃᐧᐦᑕᒪᐁᐧᐤ ᒫᑲ ᑲᐦᑭᔭᐤ ᐅᑌᐦᐃᕽ ᑳ ᐊᔮᔨᐠ, ᐁᑯᓯ ᑭ ᐃᑌᐤ, ᓇᒪᐃᐧᑳᐨ ᑲᐢᑭᐹᓱᐣ ᑭ ᓵᒥᑎᐣ ᓂᐢᑎᑳᐧᓂᕽ, ᒋᑫᒫ ᓈᓯᕒᐊᐃᐟ ᓂ ᑭ ᑐᐃᐧᑳᓂᐃᐧᐣ ᑭᓭᒪᓂᑐ ᐃᓯ ᐊᐢᐱᐣ ᓂᑳᐃᐧ ᑳ ᓂᐦᑖᐃᐧᑭᐃᐟ; ᑭᐢᐱᐣ ᑳᐢᑭᐹᓱᔮᓂ, ᐁᑲᐧ ᑫ ᓇᑲᑎᑯᔮᐣ ᓂ ᒪᐢᑲᐃᐧᓯᐃᐧᐣ, ᐁᑯᓯ ᓂ ᑲ ᓂᔭᒥᓯᐣ ᒥᓇ ᓂ ᑲ ᐃᓯ ᐊᔮᐣ ᑖᐱᐢᑯᐨ ᑯᑕᐠ ᐊᔨᓯᔨᓂᐤ.

ᑭ ᐊᔨᑭᐣ ᒫᑲ ᐁ ᒥᑯᐢᑳᒋᒥᑯᐟ ᑕᐦᑯᓀ, ᒥᓇ ᐁ ᓯᐦᑭᒥᑯᐟ, ᑭ ᐃᐦᑫᔨᑕᒥᔨᐊᐧ ᐅᐟ ᐊᐦᒑᐦᑲᐧ ᐱᔨᐢ ᐁ ᐃᐧ ᓂᐸᐁᔨᑕᕽ.

ᓵᒼᓴᐣ ᒫᑲ ᑭ ᐃᑌᐧᐤ, ᑭᔮᒼ ᓂᐢᑕ ᓂ ᑲ ᓂᐱᐣ ᐊᓯᒋ ᐱᓬᐃᐢᑎᓇᐠ. ᑭ ᐃᐧᐦᑯ ᒫᑲ ᒥᓯᐁᐧ ᐁ ᐃᐢᐱᓯᐟ; ᐁᑯᓯ ᐋᐧᐢᑳᐦᐃᑲᐣ ᑭ ᑕᓱᔨᑲᐧᐠ ᐅᑭᒫᐊᐧᐠ, ᒥᓇ ᑲᐦᑭᔭᐤ ᐊᔨᓯᔨᓂᐊᐧᐠ ᐁᑯᑕ ᑳ ᐊᔮᒋᐠ. ᐁᑯᓯ ᑳ ᓂᐱᒋᐠ ᑳ ᑭ ᓂᐸᐦᐋᐟ ᐃᑕ ᐃᐧᐢᑕ ᐁ ᓂᐱᐟ ᓇᐊᐧᐨ ᑭ ᒥᐦᒉᑎᔨᐊᐧ ᐃᔨᑯᕽ ᐊᓂᐦᐃ ᑳ ᑭ ᓂᐸᐦᐋᐟ ᒣᑳᐧᐨ ᐁ ᐱᒫᑎᓯᐟ.