Popular Bible Verses from ᓂᐢᑕᑦ ᑭᐦᒋ ᐅᑭᒫᐊᐧᐠ 3

Share

ᓂᓯᑐᐦᑕᒧᐃᐧ ᒥᑌᐦ ᒫᑲ ᒥ ᑭᐟ ᐊᑐᐢᑫᔮᑲᐣ ᑭᑕ ᐅᔭᓱᐋᐧᑖᐟ ᑭᐟ ᐊᔨᓯᔨᓂᒪ, ᑭᑕ ᓂᓯᑕᐁᐧᔨᑕᒫᐣ ᑳ ᒥᔮᐧᓯᐠ ᒥᓇ ᑳ ᒫᔮᑕᕽ; ᒋᑫᒫ ᐊᐁᐧᓇ ᑫᐢᑭᑖᐟ ᑭᑕ ᐅᔭᓱᐋᐧᑖᐟ ᐅᐦᐃ ᑳ ᐃᓯ ᑭᐦᒑᔨᐃᐧᒋᐠ ᑭᐟ ᐊᔨᓯᔨᓂᒪᐠ?

ᒫᑎᑲ ᓂ ᑭ ᐃᑐᑌᐣ ᑳ ᑭ ᐃᑌᐧᔭᐣ; ᒋᐢᐟ ᑭ ᑭ ᒥᔨᑎᐣ ᐃᔨᓂᓯᐃᐧ ᒥᓇ ᓂᓯᑐᐦᑕᒧᐃᐧ ᒥᑌᐦ; ᐁᑯᓯ ᐁᑳ ᐃᐧᑳᐨ ᐊᐃᐧᔭᐠ ᐁ ᑭ ᐯ ᐊᔮᐟ ᑖᐱᐢᑯᐨ ᑭᔮ ᐊᐊᐧᓯᐢᐱ, ᒥᓇ ᒣᐧᐢᑕᐢ ᐃᔨᑯᕽ ᓇᒪᐃᐧᔭ ᐊᐃᐧᔭᐠ ᑭᑕ ᐃᐦᑖᐤ ᑭᑕ ᑎᐱᐃᐢᐠ.

ᑭᓭᒪᓂᑐᐊᐧ ᒫᑲ ᑭ ᐃᑎᐠ, ᒋᑫᒫ ᐅᒪ ᐁ ᑭ ᓇᑐᑕᒪᐣ ᐁᑳ ᒫᑲ ᐁ ᓇᑐᑌᐢᑕᒫᓱᔭᐣ ᑭᓀᐧᐢ ᐱᒫᑎᓯᐃᐧᐣ; ᐊᐦᐳ ᐁᑳ ᐁ ᓇᑐᑌᐢᑕᒫᓱᔭᐣ ᐁᐧᔪᑎᓯᐃᐧᐣ, ᒥᓇ ᐁᑳ ᐁ ᓇᑐᑕᒪᐧᐟ ᐅ ᐱᒫᑎᓯᐃᐧᓂᐋᐤ ᑭ ᓄᑎᓈᑲᓇᐠ; ᒫᑲ ᐁ ᑭ ᓇᑐᑌᐢᑕᒫᓱᔭᐣ ᓂᓯᑐᐦᑕᒧᐃᐧᐣ ᑭᑕ ᓂᓯᑕᐃᐧᓇᒪᐣ ᐅᔭᓱᐋᐧᓯᐁᐧᐃᐧᐣ.

ᐁᑯᓯ ᒥᓇ ᑭ ᒥᔨᑎᐣ ᐊᓂᒪ ᐁᑳ ᑳ ᑭ ᓇᑐᑕᒪᐣ, ᐁᐧᔪᑎᓯᐃᐧᓇ ᒥᓇ ᑭᐢᑌᔨᑖᑯᓯᐃᐧᐣ, ᐁᑯᓯ ᐁ ᐃᐦᑕᓯᒋᐠ ᑭᐦᒋ ᐅᑭᒫᐊᐧᐠ ᓇᒪᐃᐧᔭ ᑭᑕ ᐃᐦᑖᐤ ᑖᐱᐢᑯᐨ ᑭᔭ, ᐃᔨᑯᕽ ᑫ ᐅ ᑭᓯᑳᒥᔭᐣ.

ᑭᐢᐱᐣ ᒫᑲ ᐃᐧ ᐱᒧᑖᑕᒪᓂ ᓂᐟ ᐃᑖᑎᓯᐃᐧᓇ, ᑭᑕ ᑲᓀᐧᔨᑕᒫᐣ ᓂ ᑲᑫᐢᑫᐧᐃᐧᓇ ᒥᓇ ᓂᐟ ᐃᑕᓱᐁᐧᐃᐧᓇ, ᑖᐱᐢᑯᐨ ᑯᑖᐃᐧ ᑌᐱᐟ ᑳ ᑭ ᐃᓯ ᐱᒧᐦᑌᐟ, ᐁᑲᐧ ᓂ ᑲ ᑭᓈᐧᑖᐣ ᑭ ᑭᓯᑳᒪ.

ᐁᑯᑕ ᑭᐱᔭᓂᕽ ᑳ ᑎᐯᔨᐦᒋᑫᔨᐟ ᑭ ᓄᑯᐦᐃᓱᐢᑖᐠ ᓵᓬᐊᒪᐣ ᐸᐋᐧᒥᐃᐧᓂᕽ ᓂᐹᑎᐱᐢᐠ; ᑭᓭᒪᓂᑐ ᒫᑲ ᑭ ᐃᑌᐧᐤ, ᓇᑐᑕᒪᐃᐧᐣ ᑫᑲᐧᐩ ᑫ ᒥᔨᑖᐣ.

ᐁᑲᐧ ᒫᑲ ᑌᐯᔨᐦᒋᑫᔭᐣ ᓂ ᑭᓭᒪᓂᑐᒼ, ᑭ ᑭ ᑭᐦᒋ ᐅᑭᒫᑳᐣ ᑭᐟ ᐊᑐᐢᑫᔮᑲᐣ ᐁ ᑖᐱᐢᑲᒪᐊᐧᐠ ᑌᐱᐟ ᓄᑖᐃᐧ; ᐱᑯ ᒫᑲ ᓂᐟ ᐊᐱᐢᑕᐋᐧᓯᓯᐃᐧᐣ ᓇᒪᐃᐧᔭ ᓂ ᑭᐢᑫᔨᑌᐣ ᑭᑕ ᐃᓯ ᐊᐧᔭᐃᐧᔮᐣ ᐊᐦᐳ ᑭᑕ ᐃᓯ ᐱᐦᑐᑫᔮᐣ.

ᐅᒪ ᒫᑲ ᑳ ᐃᑌᐧᔨᐟ ᑭ ᒥᔪᔭᐁᐧᐃᐠ ᑳ ᑎᐯᔨᐦᒋᑫᐟ, ᓵᓬᐊᒪᓇ ᐅᒪ ᐁ ᓇᑐᑕᒥᔨᐟ.

ᓵᓬᐊᒪᐣ ᒫᑲ ᑭ ᐃᑌᐧᐤ, ᑭ ᑭ ᐋᐧᐸᐦᑕᐦᐋᐤ ᑭᐟ ᐊᑐᐢᑫᔮᑲᐣ ᑌᐱᐟ ᓄᑖᐃᐧ ᑭᐦᒋ ᑭᓭᐋᐧᑎᓯᐃᐧᓇ, ᐁ ᑭ ᐃᓯ ᐱᒧᐦᑌᐟ ᐁ ᐋᐧᐸᒪᐟ ᑖᐯᐧᐃᐧᓂᕽ ᒥᓇ ᑲᐧᔭᐢᑳᐧᑎᓯᐃᐧᓂᕽ, ᒥᓇ ᑲᐧᔭᐢᑯᑌᐦᐃᐃᐧᓂᕽ ᐁ ᐃᓯ ᐃᐧᒉᐃᐧᐢᐠ; ᒥᓇ ᑭ ᑭ ᑲᓇᐁᐧᔨᑕᒪᐋᐧᐤ ᐅᒪ ᑭᐦᒋ ᑭᓭᐋᐧᑐᑖᑫᐃᐧᐣ, ᐁ ᑭ ᒥᔭᐟ ᐅᑯᓯᓴ ᑭᑕ ᐊᐱᔨᐟ ᐅ ᑭᐦᒋ ᐅᑭᒫᐊᐧᐱᐃᐧᓂᕽ, ᑳ ᐃᑭᕽ ᐊᓄᐦᐨ ᑳ ᑭᓯᑳᐠ.

ᐁᑯᓯ ᑭᐟ ᐊᑐᐢᑫᔮᑲᐣ ᐃᐧᒉᐁᐧᐤ ᒣᑳᐧᐊᔨᕽ ᑭᐟ ᐊᔨᓯᔨᓂᒪ ᑳ ᑭ ᓇᐊᐧᓱᓇᒋᐠ, ᑭᐦᒋ ᒥᐦᒉᐟ ᐊᔨᓯᔨᓂᐊᐧᐠ ᐁᑳ ᑭᑕ ᑭ ᐊᑭᓇᐁᐧᔨᒥᐦᒋᐠ ᐊᐦᐳ ᐁᑳ ᑭᑕ ᑭ ᐊᑭᒥᐦᒋᐠ ᐁ ᐃᓯ ᐅᓵᒣᔭᑎᒋᐠ.