Popular Bible Verses from Matthew 21

Share

ēkwa ayamihāyēko, kīspin kitāpwēhtēnāwāw, kika-miyikawināwāw piko kīkway kā‑natotamawāyēk kisē-manitow.”

ōmisi itēw Jesus, “kīspin kitāpwēhtamowinināwāw ēkwa ēkāya kita-ānwēhtamēk, pēyakwan kika-isi-kaskihtānāwāw ōma kā‑tōtawak awa misi-sōmināhtik. ēkwa mīna kika-kī-itwānāwāw ōma waciy isi, ‘niyā, pakastawē-wēpiniso kihcikamīhk!’ tāpwē ēkosi kita-ihkin.

ayisiyiniwak kā‑nīkānohtēcik ita kita-pimitēhtapiyit Jesusa ēkwa aniki otāhk kī‑ati-tēpwēwak ē‑itwēcik, “mahti kita-mamihcimāw okosisa David! sawēyihtākosiw ana kā‑pē-takohtēt owīhowiniyihk kā‑tipēyihcikēyit. mahti kita-mamihcimāw kisē-manitow!”

ēkwa ōmisi itēw, “itasinahikātēw kihci-masinahikanihk, ‘nikihci-ayamihēwikamikohk ōma ita kita-ayamihācik ayisiyiniwak.’ māka ōma ōta ē‑isi-āpacihtāyēk okimotiskak ta‑kāsōcik.”

“wīhtamawik Jerusalemiyiniwak, ‘awīta kikihci-okimāmiwāw ē‑pē-otihtikoyēk! tapahtēyimow, ē‑tēhtapit sōsowacimosisa, sōsowatimwa ocawāsimisiyiwa.’”

“ēkāya cī ē‑ohci-ayamihtāyēk kihci-masinahikanihk kā‑itastēk?” ēkwa itēw Jesus. “‘ana asiniy otatoskēwak kā‑kī-ātawēyimācik ēkāya kita-kī-āpatisiyit ēcika ōma ēwakoni nawac kita-māwaci-kihci-āpatisiyit ispīhci kotaka asiniya. ēkosi ōma ē‑kī-tōtahk kā‑tipēyihcikēt. tāpwē mistahi mamāhtāwi-miyonākwan kita-wāpahtamihk.’

“kiwīhtamātināwāw kisē-manitow otipēyihcikēwin kika-maskamikawināwāw ēkwa kita-miyāwak aniki kā‑wāpamihcik ē‑pimātisicik kā‑isi-nitawēyihtamiyit kisē-manitowa.