Popular Bible Verses from James 3

Share

māka iyinīsiwin kihci-kīsikohk ohci kanātan; ēkwa mīna pēyāhtakēyihtākwan, yōskātisihtākwan mīna miyo-wīcēhtākwan, mitoni kitimākēyihtākwan, ēkwa tāpitawi miyokihtāw miyo-tōtamākēwina. namōya ihtakonwa ayahtēyimiwēwin mīna namōya miywātisihkāsowin.

awīna ōta kiyawāw kā‑iyinīsit mīna nisitohtamowin kā‑ayāt? kiyām kita-wāpahtihiwēw otiyinīsiwin kā‑isi-miyo-pimātisit mīna kā‑isi-miyo-tōtahk, ē‑tapahtēyimisot ēkwa ē‑iyinīsit.

miywātisiwin otinikahtēw kā‑kistikēhk ohci kiscikānisihk kā‑sīhkiskahkik pēyāhtakēyimowin kā‑kī-kistikēcik pēyāhtakēyimowin.

ayisk itē ē‑ihtakocik ayisiyiniwak ē‑ohtēyihtaskicik mīna ē‑pēyakwēyimisocik, ēkota mīna māyi-wīcēhtowin ēkwa nanātohk macātisiwin.

mitōn ohci kinanāskomānaw kā‑tipēyihcikēt māmawi-ohtāwīmāw, ēkwa mīna ē‑maci-akimāyahkok ayisiyiniwak ē‑kī-osīhihcik kita-naspitawācik kisē-manitowa. otōnihk ohci ayisiyiniw nanāskomow mīna maci-akimow. nitōtēmitik, namōya ēkosi kita-kī-ispayik!

mitōn tāpiskōc kā‑pasitēk; mitōn tāpiskōc maci-askiy miyawihk, ēkota ohci macātisiwin ē‑āsōpayik. mitōn ohci ayisiyiniw kahkiyaw opimātisiwinihk kā‑pasitēk, iskotēw kā‑ohcipayik maci-iskotēhk.

māka namōya awiyak kaskihtāw kita-yōspisīhtāt mitōn. maci-kīkway mīna ēkāya ka‑kī-mamīnonamihk ēkwa ē‑sākaskinē-piscipōniwik.

hāw, nitōtēmitik, ātiht piko kita-kī-okiskinohamākēwiyēk. kikiskēyihtēnāwāw niyanān kā‑kiskinohamākēyāhk nawac sōhki nika-wiyasiwātikonān kisē-manitow ispīhci kotakak ayisiyiniwak.