Popular Bible Verses from James 2

Share

kīspin nayēstaw ē‑tāpowakēyihtamihk ēkwa ēkāya ē‑nōkwahk miyo-tōtamowin, tāpiskōc anima kitāpwēhtamowin ē‑nipōmakahk.

tāpiskōc miyaw ēkāya ē‑ahcāhkowik nipōmakan, ēkosi tāpowakēyihtamowin ēkāya ē‑miyo-tōtamihk nipōmakan.

nitōtēmitik, tānisi ē‑itāpatahk otayamihāw kita-itwēt tāpowakēyihtamowin ē‑ayāt, kīspin ēkāya tāpitawi ē‑nōkohtāt? otāpwēhtamowin cī kita-pimācihik?

kitāpwēhtēn ē‑pēyakot kisē-manitow. miywāsin! ahpō piko maci-ahcāhkwak tāpwēhtamwak, ēkwa nanami-sēkisiwak.

māka awiyak kita-itwēw, “kitāpowakēyihtēn kiya, māka kotak miyo-tōtam.” māka niya nititāw, “wāpahtihin tānisi ē‑isi-tāpowakēyihtaman āta namōya ē‑miyo-tōtaman. ēkwa niya nimiyo-tōtamowinihk ohci kika-wāpahtihitin nitāpowakēyihtamowin.”

ayisk ispī kisē-manitow ē‑wiyasiwātāt ayisiyiniwa namōya kitimākinawēw anihi ēkāya kā‑kitimākinawāyit awiya. māka kitimākēyimitowin sākōcihtāmakan ispī kā‑wiyasiwātikawiyahk.

kiwāpahtēnāwāw otōtamowinihk ohci ayisiyiniw miywakimik kisē-manitowa, namōya piko otāpowakēyihtamowinihk ohci.

kiwāpahtēn otāpowakēyihtamowin mīna otōtamowin kwayask kī‑wīcēhtomakaniyiwa, ēkwa otāpowakēyihtamowin kī‑ispāhkēyihtākwaniyiw otōtamowina ohci.