Popular Bible Verses from Матта 22

Share

Исайира дугъаз кӀуру: – «Яв Агъа Аллагь, вари юкӀв хъипну, вари рюгьнаан ва яв вари фагьмиан ккун апӀин». Му сабпи ва вартӀан метлеблу табшуругъ ву. Кьюбпибра гьаддиз барабар ву: «Яв багахь хьайир жвуваз жвувси ккун апӀин».

Гьаму кьюб табшуругъдиин вари Къанун ва пайгъамбрарин БикӀбар биналамиш духьна.

Фицики теклиф дапӀнайидар гизафдар ву, хъа кадагънайидар – цӀиб.

ЧӀиви гъахьиган, дурари я швушвар хурдар, я швуваз гъягъюрдар. Дурар аьршариъ айи малайикарси хьиди.

Учву налукди туврайи пул Узуз улупай. Дурари Дугъахьна саб манат хуру. – Мидик шлин шикилна ччвур ка? – пну, гьерху Исайи дурарихьан. – Римдин паччагьдин, – жаваб туву дурари. Гьадмуган Исайи дурариз кӀуру: – Дици вуш, паччагьдинуб паччагьдиз, хъа Аллагьдинуб Аллагьдиз тувай.