Popular Bible Verses from Thuhilhna 8

Share

Tua hi-a mihing adingin sunni nuai-ah ne-in dawna gualnuama om kana hoihzaw om lo ahi manin gualnopna ka phat hi. Tua ciangin Pasian in sunni nuai-a a dam hun dinga a piak sung teng a nasepna ah amah in nuam a sa ding hi.

Migilo khat in zavei dong mawhna bawl napi a nuntak veve hangin Pasian mai-ah siangtho a Pasian kihta mite a hoih zawk ding lam ka thei hi.

Ahang in, mi khat haksatna ama tungah a gik hangin na khempeuhah a hun leh a paizia om hi.

Huih khumcip nading vaang a nei kuamah om lo-a, a tua mah bangin a sih ni ding tungah vaang a nei kuamah a om kei hi. Gal kikap hun laitakin kuamah a kitawpsak loh mah bangin gitlohna gilo-a gamtatna a khahkhia kei ding hi.

Mawhna thukhenna khat manlangin a kisep khiat loh ciangin mite lungsim in siatna bawl ding a sawm hi.

Leitunga piang a mawknapi pawlkhat om lai hi: migilopa ngah dinga kilawm a thumaan mipa in ngah a, a thumaan mipa ngah dinga kilawm migi lopa in ngah hi. Hih zong a mawknapi mah hi, ka ci hi.

Mailam thu kuamah in a theih loh nungsang, ama tunga piang ding kua in gen thei ding ahi hiam?