Popular Bible Verses from Thuhilhna 7

Share

Mihaite lungtang ah hehna teng ahi manin na hehna zah dongin lungtom kei in.

Hun a hoih ciangin, lungdam in; hun a siat ciangin ngaihsun in: Pasian in ni khat le nidang khat a kibanga a bawl ahi hi. Tua ahi ciangin mi khat in a mailam thu ding bangmah a mukhia thei kei hi.

Thu khat a kipatna sangin a tawpna hoihzaw a, kiphatsakna sangin lungduaina hoihzaw hi.

Leitungah a maana gamta a mawh ngei lo a thumaan mi kuamah a om kei hi.

Sum in hong liah bangin pilna in hong liah hi, ahi hangin theihna a hoihzawkna in: pilna in a neipa nuntakna hutsak hi.

Paknamtui hoih sangin minpha hoihzaw a, suahni sangin sih ni hoihzaw hi.

Mihaite lasak ngaih sangin, mipil khat hong taina thusim hoihzaw hi.

Mi khempeuh tawpna, sihna hi a, a nungta laite in a lungsimah ciamteh ding ahi manin pawibawlte inn a hawh sangin a dahte inn a hawh hoihzaw hi.

Mipilte lungsim a dahte inn ah om a, ahi hangin mihaite lungsim nopna inn ah a om hi.