Popular Bible Verses from aFilipi 1

Share

Mi no̱o̱k katsak ye Adakunom afe a tan san itomong itek naye̱ yin tà ya kasho̱o̱n anong ma nigang'e nizen aYeso tana bun a be̱.

Aduwa mi se ye: kushim yin tà ya kasho̱o̱n anong dide̱ng kaye̱e̱r kukyem yin ne i ren yin ike̱ng i ta se gye̱r ke a nye, nong ase̱ yin ta kyem i kasa yin ike̱re̱ iya i ta nar'e cei, ne kuse kuzhe̱l, dar ritok ma nizen iya aKiristi tana be̱.

Kamok kuto̱ro̱ng'i nye, be mi tana sor be kutser i nye aKiristi, ke mi ku i ti nar kamok mi tà be naza.

Mi tonong Adakunom mi riye̱ rikan ye̱rye̱r ke mi yiring be yin.

Koakye ne i nye, sor yin kusor ku ta taas kufe áner a tanin no̱o̱k katsak Rife̱ Ritek aKiristi. Mi ta be̱ ta ka di yin, ka ta fok itak yin tsek, nong mi ta ren ye yin n gung yin rice be kuto̱ro̱ng kuzining.

Mi min te riye̱ ne i mok ye, Adakunom ti te isum baꞌ, amma mi ta se̱ kutsesek dide̱ng, nong ase̱ kyo̱o̱rna be koakye izen, aKiristi ta se̱ kuyiik kaye̱e̱r koakye mi ta nye, be kutser, ka be riku.

Kamok Adakunom sak ritek wu anong kamok yin tin no̱o̱k yin katsak na aKiristi tsek baꞌ, amma ta so̱ yin risam kamok wu gip