Popular Bible Verses from Madiu 7

Share

Ngi, lalimu. Ngi, larimiyagua tágua yu holeberami. Tai bialu halimu. Tai bialu harimiyagua handa walia holeberami. Panga dugua, lalu halimu. Panga dugua, lalu kamigola táhondo panga dugua holebira.

Ogoninaga bibahendeme, Ngi, lalu karuhondo miragola yulebira. Tai bialu karume handa walia holebira. Panga dugua, lalu karuhondo panga dugua holebira.

Anigo i̱na bi o larogoni hale halu bialu kagome ibu agali mbira mini gigabiwime ege to̱le̱ni anda biyagoni ale ka.

Wali agali marume táhondo bilo hame laramilidagua nde tágua maru biaruhondo ani dege bilimu. Mosese heneyangi Mana lowinigohabi Ngode Datagaliwabe mana latagi haga henerume bi lawai henegohabi bi uruniha mana ogoninaga tene bulene lo nga.

Holene gahengeore mule anda polene panga haraba dorogone nga. Ani ngago panga haraba ogoni ngagoria anda polene hariga taibiore ngago wali agali mbira mbira hangume hariga ogoni handa walia haga ka.

Anda polene panga haraba dorogone ngago ogoniha anda pilimu. Heli dindi anda polene panga haraba yangale nga. Panga haraba ogoni ngagoria polene hariga taibi ndo awadaga ngagoni hondowa wali agali dewaoreme hariga ogoriani pialu ka.

Táni ko howa tá waneiginihondo bayale dege mulene manda bu kami. Ogonidagua ndo bolangua howaore tá Aba dahuliya andaga kagohondo mbirale ngi laragola o laragohondo Ngode Datagaliwabehanda bayaleore dege dege mulebira.

Yasuhanda laabo halu lalu, Ngode Datagaliwabehanda tá beramigo daba ki nabilo tágua wali agali marume biragobi daba ki nabilimu. Tágua wali agali marume birago hondowa daba ki beramilidagua Ngode Datagaliwabehanda tágua beramigobi hondowa daba ki bulebira. Tágua wali agali maru hondowa ti bulene nabulene bi ogo lalu lo weramilidagua Ngode Datagaliwabehanda tá hondowa ani dege lo wulebira.

I̱na bi larogoni hale halu bia nabi kagome ibu agali mini nawi howa iba muni anda biyagoni ale ka.

Anigo tágua tá hamenenaga deni kugi emene ede ngago laramiligo táninaga deni ira goba ale ngago mitangi nabi howa laramiligo agibe. Tágua táninaga deni ira goba ale wu kamigo dege howa tá hamenehondo lalu, Í̱naga deni kugi emene ede ngago mero, lalu agua labehedabe.

Ngode Datagaliwabe mana henene ngadagua ndo latagi haga agali karu de hondowa mamage halimu. Tigua tá kamigoria ibalu dongoneni nogo sibi dambole ale howa miniha ti biango duduore ale ka. Tágua ti mana birago hondowa tioreda manda buleberami. Mamunali anihe ale kagome pu mbira mini gerebi lini nadaga ka. Mamunalime pogoli nadaga ka.

Ira bayale kagome lini bayale daga ka. Ogonidagua dege ira ko kagome lini ko daga ka.

Ira bayale kagome lini ko nadabehe ka. Ogonidagua dege ira ko kagome lini bayale nadabehe ka.

Ira damene lini bayale nadaga kago ani nadaragola ira uruni dibuwa ira dedagoriani delolebira.