Popular Bible Verses from Madiu 5

Share

Mbiralime lamu delowa ndisi be timbuni ngago andaneha nawiaga. Ani biagadagua ndo anda ogoniha bedaru bibahende wá haame helo ibugua lamu dedago dagia daligani mo wiaga. Ogonidagua tánaga wá holene wali agalime de hendelo mo wá holene nga. Tágua mana bayale beramigo de hondowa wali agalime tá Aba dahuliya andaga kagonaga mini yaraga helonaga ani mo wá halu holene nga.

Wali agali dindi bibahendeni tara tara karunaga wá holene ale tá kamigoni. Tano timbuni dindi bare hombeneni bu karu mo ge nahabehe ka.

Mini gahengewi ko bua nahaga karu tigua Ngode Datagaliwabe de hondolebiragonaga ti turu ho holene nga.

Ngode Datagaliwabehanda hame ledadagua bua timbuni ho karu Ngode Datagaliwabehanda tini hame larago mo to̱lai holebiragonaga ti turu ho holene nga.

Ani anigo i̱na tá ogodagua langerogo tánaga waitigi ho karuhondo gubalini ho halimu. Tá mo tandaga halu karu bayale helonaga tágua Ngode Datagaliwabehondo bi la halimu.

I̱ miniha nakarulape ko lo mitangi bu karu Ngode Datagaliwabehanda Handame Ho Kagoria tinagaore ngago ti turu ho holene nga.

Mo palia holenenaga biabe bialu karu Ngode Datagaliwabehanda tihondo, I̱ waneigini, lolebiragonaga ti turu ho holene nga.

Dara ho karu Ngode Datagaliwabehanda ti mo turu holebiragonaga ti turu ho holene nga.

Ngode Datagaliwabehanda hame ledadagua bialu howa tandaga nalu karume Ngode Datagaliwabehanda Handame Ho Kagoria tinaga ngago ti turu ho holene nga.

Wali agali maruhondo dara howa biamogo biaga karu Ngode Datagaliwabehanda ti dara howa biamogo bulebiragonaga ti turu ho holene nga.

Tágua i̱ porodagua talima ibalu kamigonaga wali agali marume tá mege biragolabi mo tandaga haragolabi ke̱ halu nde laragolabi mana urunibi biragola tá turu ho holene nga. Ngode Datagaliwabe mana latagi haga bamba henerume tandaga ogonidagua dege nalu hene. Dahuliya andagani tánaga emena timbuniore wia do kago turu timbuniore ho halimu.

Tini mo dindiha haga bu karu Ngode Datagaliwabehanda, Ngulebero, lowinigo tigua mo yulebiragonaga ti turu ho holene nga.

Wali agali tara tara bibahendenaga ibi ale tá kamigoni. Ibi ibuninaga dende ereba hayagua lone mo dende bia habe nahe nga. Ibi ko halu dindini waharagola wali agali geme hengedaga nga.

Tá Aba dahuliya andaga kago ibu mini baya buruguleorewi kadagua tábi mini baya buruguleorewi holene nga.

Tágua lalu, E̱bi ndobi dege lalu lalimu. Bi marubi larimiyagua bi o larimiruni tene dama Heyolabeha howa ibiragola larimi.

Bambaore bi lenego ogo, De mbira halu waharagonaga pani de mbira halu wahaga. Ne mbira hondo waharagonaga pani ne mbira hondo wahaga, lalu bi ogoni leneyago tá hale harimigoni. Anigo áyu i̱na tá langerogo mbiralime táhondo ko biyagua tágua ko bia dai nabilimu. Mbiralime í̱naga pe tigahayagi bayagua pe lehayagibi belo beregedabe.

Í̱naga de tigame í̱ ko mo bia hayagua halu wahabe. Í̱ tingininaga aria mbirago nahe howa holene bayale nga. Í̱naga tingini bibahende hai howa heli dindiha mo bape holenego nde koorego. Í̱naga gi tigame í̱ ko mo bia hayagua gi ogoni gandulo wahabe. Í̱naga gi mende hangu howa holenego bayale nga. Í̱naga tingini bibahende hai howa heli dindiha polene nde koorego.