Popular Bible Verses from Psalmyn 91

Share

Jirr-ym rish y Chiarn, Uss my hreishteil, as my hoor lajer: my Yee, ersyn ver-ym my varrant

Quoi-erbee ta cummal fo coadey yn Fer smoo ard: nee eh tannaghtyn fo scaa yn Ooilley-niartal.

Nee eh geamagh orrym, as ver-ym clashtyn da: dy-jarroo, ta mee mârish ayns seaghyn; livrey-ym eh, as ver-ym lhiam eh gys onnor.

Son ver eh currym da e ainleyn harryd: dy dty reayll ayns ooilley dty raaidyn.

Nee eh uss y choadey fo e skainyn, as bee oo sauchey fo ny fedjagyn echey: e irrinys as e ynrickys vees dty eïlley as dt’endeil.

Son t’ow uss, Hiarn, my yerkal: t’ow er hoiaghey yn thie ayd dy chemmyrk feer ard. Cha jean olk erbee taghyrt dhyt: cha-moo nee chingys trome erbee cheet faar dty chummal

Son nee eh dty livrey veih ribbeh yn shelgeyr: as veih’n chramp baasoil.

Nee thousane tuittym rish dty lhiattee, as jeih thousaneyn ec dty laue yesh: agh cha jig eh dt’aar.

Cha bee aggle ort roish atchim erbee ’syn oie: ny roish y tiyde ta lhiggit ’sy laa: Roish y chramp ta shooyll ’sy dorraghys: ny roish y chingys ta stroie ec y vun-laa.