Popular Bible Verses from Psalmyn 119

Share

Ta dty ghoo londeyr da my chassyn: as soilshey da my chesmadyn.

Dty ghoan ta mee er ollaghey cheu-sthie ayns my chree: nagh jinnin peccah ’yannoo dt’oï.

Cre’n aght nee dooinney aeg e raaidyn y reayll glen: dy-jarroo liorish reill eh hene cordail rish dty ghoo?

Bannit t’adsyn ta freayll ny recortyssyn echey: as shirrey er y hon lesh ooilley nyn gree.

T’ow uss my endeilagh as my choadey: as ta my hreishteil ayns dty ghoo.

Cur dou tushtey, as freill-ym dty leigh: freill-ym eh dy-jarroo lesh ooilley my chree.

Cromm my chree gys dty recortyssyn: as cha nee gys saynt.

S’mie te er my hon dy row mee ayns seaghyn: dy voddym gynsaghey dty ’lattyssyn.

Shoh ta dy my gherjaghey ayns my heaghyn: son ta dty ghoo er my vioghey.

Cur orrym dy immeeaght ayns cassan dt’annaghyn: son shen y raad ta my yeearree.

Ynsee dou, O Hiarn, raad dty ’lattyssyn: as freill-ym eh gys y jerrey.

Ta m’annym’s lheïe ersooyl son eer trimshey: jean m'y gherjaghey cordail rish dty ghoo.

Hiarn, cre’n ghraih t’ayms er dty leigh: fey-ny-laa ta mee smooinaghtyn er dy-dowin.