Popular Bible Verses from Psalmyn 103

Share

Bannee yn Chiarn, O m’annym: as ny jarrood ooilley e hoyrtyssyn

Ta leih ooilley dty pheccah: as slaanaghey ooilley dty ghoghanyn; Ta sauail dty vioys veih toyrt-mow: as dy dty chomm'rey lesh myghin as kenjallys-ghraihagh; Ta jannoo magh dty veeall lesh nheeghyn mie: jannoo oo aeg as lajer myr urley.

Bannee yn Chiarn, O m’annym: as ooilley ny ta cheu-sthie jee’m bannee e Ennym casherick.

Dy-jarroo, myr ta chymmey ec ayr er e chloan hene: myr shen ta’n Chiarn myghinagh dauesyn ta goaill aggle roïsh.

Jeeagh cre cha lhean as ta’n shar veih’n sheear: choud cheddin t’eh er hoiaghey nyn beccaghyn voïn.

Ta’n Chiarn laane dy hymmey as dy vyghin: surranse-foddey, as jeh mieys vooar.

Cha vel eh er ghellal rooin lurg nyn beccaghyn: ny er chooilleeney shin cordail rish nyn mee-chraueeaght; Son jeeagh cre cha ard as ta niau ayns co-soyllaghey jeh’n thalloo: wheesh cheddin ta e vyghin dauesyn ta goaill aggle roïsh.

Ta’n Chiarn er hoiaghey seose e stoyl-reeoil ayns niau: as ta e reeriaght reill harrish ooilley.