Popular Bible Verses from Hɔrɔya 16

Share

Anu ka a fɔ anu ye: «Fen de Alatala ma mɔ faga nun Misira duge tɔ, mɔ be sigiren nun mɔ la subu daganu kɛnna ka min na? Kaa mɔ te dɛgɛ dɔmɔ le ɲɔ han mɔ ni fa? Wo be mɔ natiren de kɛ janfue tɔ alako wo ni kɛ jama bɛ faga kɔnkɛ la.» Alatala ka a fɔ Musa ye, a ko: «I tolomasɔ, n be naala dɛgɛ layɛlɛnna le wo ye bɔɔla saŋɛ tɔ iko sange. Lun go lun, jama ni bɔɔ anu be min bere dɔmɔla anu ni wo matɔnbɔn. Wo butɔ, n si naa anu hakkile mafɛlɛ, ka anu be tagamanna n na sariya yati le la.

Wo butɔ, bani Isirayila jama bɛ tota kuma mɛsɛŋɛ mafɔla Musa nun Harona ma janfue tɔ.

Musa ka a fɔ, a ko: «Alatala si sube dii le wo ma bi wura la wo si min dɔmɔ. Saguma tugun a ni dɛgɛ dii wo ma min si wo fa. Wo be kuma mɛsɛŋɛnu minnu mafɔla a ma, a bata anu mɔɛ. Fenfen ma mɔle la. Wo bele a fɔla mɔle le ma de, wo be a fɔla Alatala le ma.»

«N bata bani Isirayila kaanu kulɛ mɔɛ, anu be kuma mɛsɛŋɛ min fɔla n ma. Kuma anu ye, i ko: ‹Fitiri ma, wo be sube le dɔmɔla. Saguma wo ni fa dɛgɛ la. Wo tɛmuɛ le, wo si a lɔn, nde Alatala mu wo la Ala le la.› »