Popular Bible Verses from ಯಾಕೋಬ 5

Share

ಆನಗುಂಡ್ ನಿಂಗಡ ಕಾಯಿಲೆ ವಾಸಿ ಆಪನೆಕೆ ನಿಂಗಡ ಪಾಪತ್‍ನ ಒಬ್ಬಂಗೊಬ್ಬ ಅರಿಕೆ ಮಾಡಿತ್, ಒಬ್ಬಂಗೊಬ್ಬ ಪ್ರಾರ್ಥನೆ ಮಾಡಂಡು. ನೀತಿವಂತಂವೊ ಮಾಡ್‌ವ ನಂಬಿಕೇರ ಪ್ರಾರ್ಥನೆ ದುಂಬ ಶಕ್ತಿ ಉಳ್ಳದಾಯಿತಿಪ್ಪ.

ನಿಂಗಡಲ್ಲಿ ದಾರೇಂಗಿಯು ಕಷ್ಟತ್‍ಲ್ ಉಂಡೇಂಗಿ ನಿಂಗ ಪ್ರಾರ್ಥನೆ ಮಾಡಂಡು. ನಿಂಗಡಲ್ಲಿ ದಾರೇಂಗಿಯು ಕುಶೀಲ್ ಉಂಡೇಂಗಿ ದೇವನ ತುದಿಚಂಡ್ ಪಾಟ್ ಪಾಡಂಡು.

ಅಕ್ಕ ದೇವಡ ಮೇಲೆ ನಂಬಿಕೆ ಬೆಚ್ಚಿತ್ ಮಾಡ್‌ವ ಪ್ರಾರ್ಥನೆ ಅಂವೊನ ವಾಸಿ ಮಾಡ್‌ವ; ದೇವ ಅಂವೊನ ಎಪ್ಪ್‌ವ; ಅಂವೊ ಪಾಪ ಮಾಡಿತುಂಡೇಂಗಿ ಅಂವೊಂಡ ಪಾಪತ್‍ನ ಮನ್ನಿಚಿಡ್‌ವ.

ನಿಂಗಡಲ್ಲಿ ದಾರ್‌ಕೇಂಗಿಯು ಸೌಕ್ಯ ಇಲ್ಲತೆ ಪೋಯಿತ್ಂಜತೇಂಗಿ, ಅಂವೊ ಸಬೆರ ಪೆರಿಯಯಿಂಗಳ ಕಾಕಡ್; ಅಯಿಂಗ ಒಡೆಯಂಡ ಪೆದತ್‍ಲ್ ಆ ಮನುಷ್ಯಂಗ್ ಎಣ್ಣೆ ಉದ್ದುವಂಜಿ ಪ್ರಾರ್ಥನೆ ಮಾಡಡ್.

ಪಾಳ್ ಬಟ್ಟೆಯಿಂಜ ಪಾಪಿನ ಪುನಃ ಕಾಕಿಯಂಡ್ ಬಪ್ಪಂವೊ ಒರ್ ಆತ್ಮತ್‌ನ ಮರಣತ್ಂಜ ಕಾಪಾಡಿತ್, ಆ ಪಾಪಿರ ದುಂಬ ಪಾಪತ್‍ನ ಮುಚ್ಚಿರ್‌ವಾಂದ್ ಗೊತ್ತಿರಡ್.