Popular Bible Verses from Romanus 13

Share

Kawihnabay Ukivarawiy Jesus Cristo gihiyekemni ta abetit yihiyekemni. Ka yi muwaka iki yitew akiw adahan yis kehne yihiyekemni amadgaya inin abetki.

Ka yi muwaka misakwa akak matiwnihka yiwaku. Misakwanay ininewa akak matiwnihka adahan batekakka pawtak. Ini batekakka wis ka pisenwanti akatiwnihka. Ku wis bateknenekwa gikakkis uyakivwi hiyeg, wis kuwis mateke madikte Uhokri gikumadukan.

Amawka ku madikte hiyeg iha hiyaptigi giwn. Hiyaptigi ay ka giwnteknewatma. Ig ay awaku igwa Uhokri ikaksig. Wake ka Uhokrima ikigi adahan ig humaw ikivarat, ig ka humawkam ikivarat.

Kuwis ke wotbe hiyukamin hiyevewkevyemet. Wowskawniwiy abet ini amisnavye ay amadga inin in me pisenwemet. Minikwak wixwiy ke wotbe uhiyekemniwiy ay abet amisnavyenen. Kurime ig Kiyavwiye Jesus kuwis uguhe uhiyekemniwiy. Ku samah kabutniki ka amava amisnavye nibetit, uyay ka amava patahwaki abetit uhiyekemniwiy akiw. Uyay wew akak uhiyekemniwiy kabutenene kivun akak kibeyne hiyakemniki. Ininewa umaptentenwiy giwkis uvetunyavuwiy.

Ku wixwiy batekak pawtak, nikwe wixwiy ka keh akebi ini mbayka. Ayge nikwe ku wixwiy batek gikakkis uyakivwiy hiyeg, amun ini nikwe wixwiy kuwis ihpene madikte Uhokri gikumadukan.

Nikwe katiwnihnay yimatiwnihni ta gitkis madikte hiyeg. Katiwnihnay ikivarat. Katiwnihnay ku pariye ayapka yit adahan yis katiwnih. Avisnay gibohrikis ikivarat. Kiyathanigkis.