Popular Bible Verses from Romanus 12

Share

Ka ba yi wew akak hiyeg gihiyekemnikis amadgaya inin. Isaksanay Uhokri wages yihiyekemni akak nukune hiyakemniki. Ayge nikwe yis hiyaknek ku pariye Uhokri gibetki, yis hiyaknek ku pariye kabayka adahan yis keh, yis hiyaknek ku pariye keh Uhokri batek, yis hiyaknek ku pariye avigkutavrik ku samah gimawkan.

Nikwe nukebyuvwi kibeynevwi, ku samah ig Uhokri ka gamnihrasima ukakwiy, nah aya yit ikawnabay pahavwite git Uhokri. Ikawnay git ke kakanhawkabe ku pariye ivegnene, barewvitye, ku pariye keh ig bateke ginaktin. Ku yis ikaw hene, amun ini nikwe yis inyewa kehne Uhokri gibetki.

Bateknay yinaktin adahan ini kabayka ku pariye nehmnikuhpiye. Kiyaknihwanabay abet ini mbeyne. Piriyepkawnay avanenekwa.

Ka ba yi isaksa mbeye hiyakemniki adahan in wanekbeta yihawkan, heneme wanekbetanay ahawkan mbeyevye hiyakemniki akak kibeyne hiyakemniki.

Batekaknay pawtak kabayntiwa ke wotbe yisweke pakebyeknebe guwntak pahavuwa inagti. Mpiksawnay kiyathak pawtak.

Bateknay gikakkis hiyeg avititakwa yiyakni. Ka yi muwaka batek gikakkis akak yihepkanenwatma. Tukuhwepnabay ariw mbeyevye hiyakemniki. Kamaxwanabay ta avitit kibeynenen hiyakemniki.

Mpiksawnay pasamrak gikakkis madikte hiyeg ku aysaw ik adahan yis pasamrak gikakkis.

Nukebyuvwi kibeynevwi, ku pahavwi tarakse yikak, ka yi muwaka diyuhkisgi. Ka yi muwaka dagawnaw git. Isaksa igwa Uhokri diyuhkisgi yidahan. Mmanawa ig Uhokri gannasan awna: “Nahwa diyuhkis mbayka ta gitkis hiyeg. Nahwa katiwnise gitaraksankis gitkis. Inakni Ukivarawiy awna.”

Ka yi muwaka mabivwihwa. Kannivwinabay gidahan Ukivarawiy akak madikte yabivwi giwntak Uhokri Gitip.

Nah ikene yihiyekemni yit yis madikte, mmanawa ig Uhokri akak gabay keh nah humaw giwatni yit. Nah aya yit, ka ba yi ikaw kannuhtema mpiy ku samah Uhokri iki yit. Ikawnabay tuwatavye adahan yis ivegminene yihiyekemni adahan yis uti ku pariye annivwit Uhokri iki yit akak yikamaxwan givitit.

Ku pahavwi hiyapkis mbeyne ta yit, ka ba yi diyuhkisgi akakwatma mbeyne. Amawka ku yis keh ku pariye waditnen giwtrikkis madikte hiyeg.

Kiyathanay madikte hiyeg hehpekuye. Ka yi muwaka kiyatha hiyeg he kiyatyevwinenwatma. Amawka yis kiyatha hiyeg ku pariye yumanene gikiythanikis hawata. Ka yi muwaka ikaw hiyakemnitema giwkis.

Ka ininewatma yis ka diyuhkisgima, heneme amawka ku yis amnihgi ku samah Uhokri gannasan awna adahan yis keh. In awna: “Ku pivetunya mativwevye, amnihnig ikapnig. Ku ig arabyuvye un, ikapnig akak un. Mmanawa ku pis keh hene, amun ini nikwe pis wanekbetene gihawkan ke wotbe pis ikenebe tiket amey ta gitewharit. Ig ka ik adahan ig misakwa akak gidahan gihiyekemni, ayge ig marekevwe.”

Ayapnay git Uhokri adahan ig awahkis kabayka giminkis neras ku pariye hiyapkisne mbeyne ta yit. Henewa, nukebyuvwi. Ayapnay git kabayka gidahankis. Ka ba yi aya git mbaykama gidahankis. Bateknabay yinaktin payak gikakkis hiyeg ku pariye batekyevwi ginaktinkis. Tihnabay payak gikakkis hiyeg ku pariye kadniyevwi.

Ku aysaw pikebyi Jesus gihiyega muwak arikna git, amnihnig. Amavanig ta yivinekut.

Nah akkite yit abektey adahan ku samah wixwiy kadahanyekuye wannivwiy adahan amnihekne pawtak. Uvitwiy pahavwiwa, heneme in kadahan ka aynsima akisutbet. Wis kataybi. Wis kawan. Wis kakugku. Mpuse akisutbet kadahanyekuye arannivwi. Wixwiy hawata, wixwiy ka aynsima, heneme wixwiy pahavwiwa pawtak, mmanawa wixwiy pahavwiwa gikak Cristo. Wixwiy ke wotbe wixwiy Cristo giwanbetbe. Wixwiy kamawkanak pawtak.