Popular Bible Verses from Apokalipsi 6

Share

Nah sarayh nuvegi, nah hiyap ayge pahavwi kaway wasewnevye. Pahavwi hiyeg bat ayge giduhyamadga kaway. Ig kewye “Miyaka”. Pahavwi makeke gihavu butte akiw. Ig ner arakak adahan miyaravye giwetrikis. Ikepka gitkis gawaygikis adahan igkis umahkiswiyes abusku hawkri nitusi hiyeg akak kerka, akak mativwa, akak karayt, akak axtig.

Nah sarayh nuvegi, nah hiyap ayge pahavwi kaway seyne. Pahavwi hiyeg bat ayge giduhyamadga kaway. Ig hiyuh akak gimedga. Ig ikepka git gisuwvren adahan areketni ku samah ig matekevye madikte hiyeg. Ayteke ig tivik muwapuw adahan ig matekbetevye hiyeg gihawkankis. Ayge ig matekevgikis.

Ayteke ner Muwtohyan hakuhe avahwokni ini makaksaki. Ayge nah hiyap paha kakanhewket. Ayge avetun egu kakanhewket nah hiyap gitipkis hiyeg ku pariye kuwisnene umahavepka avatra ku samah igkis ekkenes Uhokri giwn, avatra ku samah igkis kabivwiyes adahan igkis kinetihwa gimin Kiyavwiye Jesus.

Igkis hiyeg awna git Uhokri akak madikte giwakemnikis. Giwnkis: — Kiyavwiye, pisnewa igyewa Ukivara. Pisnewa barewvitye. Aysawneki pis diyuhkisnek umiguh gitkis neras hiyeg amedgenevwi hawkri ku pariye wowmeptenvu? Henewatbaki igkis hiyeg awna. Ayteke mpuse gaytakkis ikepka gitkis gisimsakis seyne. Ayteke pahavwi kaytwa giwnkis: — Kiyaknihwanabay adahan aynesa hawkri akiw, he ku aysaw yikebyuvwi gibukvig Uhokri nawenyevwi akiw buttiyevwi akiw igkis umahavepkanek hawata ke yisbe. Mmanawa gihawkanavrikkis kaba danuh adahan igkis hawata umahavepka ku samah Uhokri ikiswanaw gidahankis.

Ayteke nikwe pahavwiwa kaway pes akiw. Ig kaway duwweh. Ig hawata tivik muwapuw. Pahavwi hiyeg bete ayge giduhyamadga. Ig ikepka git gidatni adahan ig pisenwevye akak pasamraki amadgatak inin kahadbe hiyeg igkisweke umehekbet pawtak. Ig hawata ikepka git pahamku giwana nopsadnano.

Mmanawa kuwis danuh ahawnavrik adahan igkis pisenwevye akak inin hawkri akak madikte gidagonikis. Yuma hiyeg ik adahan bisik giwkis.

Ayteke nah hiyap ner Muwtohyan hakuhe avuguhkunpiye ini makaksaki. Aynewa wayk segke akak nihawna. Avim ini kamuw misanpip, in wageswe pohe ke kamisbe kehka akak sak puhiye. Kayg wageswe duwweh ke migatbe. Madikte warukmebdi amadga en tuguhe waykborit ke ah ariwbe amayuy sassahka avit mayg kihawniye.

Ayteke ner Muwtohyan hakuhe amamnabun ini makaksaki. Ayge nah timap gimamnampiye hiyeg dehetniye awna. Giwn: — Ba ayta. Nah sarayh nuvegi, nah hiyap ayge pahavwi kaway puhiye. Pahavwi hiyeg bat ayge giduhyamadga kaway. Ig kahentenwok akak gahehten. Ayteke nah timap pahat ikuvimnat. Ke nutuhbe in pes gibetitakkis neras paxniknene hiyeg dehetniyevwi. In awna: — Pohowa ahehtet fahin adahan pahay hawkri annivwit atiwni. Hawata mpanmowa ahehtet kuwak adahan pahay hawkri annivwit atiwni. Heneme diluy akak win adukwenewa atiwni.

En mehwe ke wotbe in minahminepkabe, ke kagtabe in tagebwihpika akiw. Madikte waxribdi imuwadnene akak madikte kewgihribdi in ayguhwebdi adukwenitak. Avim ini madikte ikivaratviyenvwi amedgenevwi inin gikakkis madikte kumadukanevwi, madikte suwtat gikivarakis, madikte hiyeg igisavye, madikte hiyeg detyevwi, madikte nawenyevwi hiyeg ku pariye ibuktivyene, gikakkis hiyeg ku pariye kane ibuktivyenema, igkis madikte ayemwebdi ariku nopsadmin miyokbetavye. Hawata igkis ayemwebdi anaviw tip aynte avit waxribdi imuwadnene.