Popular Bible Verses from Apokalipsi 5

Share

Ayge igkis peknes nukune avat git ner Muwtohyan. Giwnkis: — Kibeyne Kiyavwiye, pisnewa kis adahan iwi ini kagta. Pisnewa kis adahan hakuh ini makaksaki. Mmanawa pis umahkiswe gidukwenavrikkis madikte hiyeg. Abetimpi ini pimiremni pis katiwnihe akak pimig adahan hiyeg humaw gidahan Uhokri. Pis katiwnihe gidahankis madikte hiyeg pakebyeknevwi akak madikte nawenyekuye giwnkis. Pis katiwnihe gidahankis madikte hiyegviyenevwi avit waxri.

Igkis peknes akak madikte giwakemnikis. Giwnkis: — Kibeyne gidahan ig Muwtohyan. Ig umahkiswe gidukwenavrikkis madikte hiyeg. Ignewa ka gidatnisima, ignewa igisye, ignewa ka gihiyekemnisima, ignewa ka gannusima, ignewa ka gikiytanisima, ignewa ka gamuwyisima, ignewa ka gabayisima.

Kibeyne, pis kehe igkis kawihe pikumadukan. Pis wageswigkis Uhokri gimuwvegavu adahan igkis danukwene kennesa git Uhokri takunipti adahan kehne gibetki. Pis keh igkis kumadukanek amadga wayk. Henewatbaki igkis pak.

Ayteke nah timap madikte hiyeg aynte inurik, madikte hiyeg ay amadga inin, madikte hiyeg aynte anavi wayk, madikte hiyeg aynte parahwokwa, madikte hiyeg muwapuw amadga hawkri, igkis peknes avat. Giwnkis: — Kibeyne gidahan Uhokri ku pariye betnene amadga gevwi kiyatyo. Kibeyne hawata gidahan ig Muwtohyan. Kibeyne gidahankis adahan avanenekwa. Igkis ka gabaykisima, ka gikiytanikisima, ka gawaygikisima, ka gidatnikisima adahan avanenekwa.

Ayteke pahavwi gaytakkis neras kiyavwiyegben awna nutuh. Giwn: — Ka muwaka tih. Sarayh pivegi tahan gimkat ner judeyenevwi gikivarakis ku pariye kumaduka hawata ke amekene Davibe. Ig ka gidatnisima kewa pahavwi kawokwinebe. Kibeyne, ig kuwis matekbete gihawkan wavitye, igi kis adahan ig woka ini kagta. Jesus kewa pahavwi muwtohyanbe ku pariye kuwis umehpikanbe gidukwenavrikkis hiyeg