Popular Bible Verses from Apokalipsi 3

Share

Kuri nah ke tabirnebe anumeku pareket abet yihiyekemni, nah ke pahavwibe hiyeg tesnenebe parekerevye. Ku pahavwi timap nuwnuh, ku ig woka pareket nudahan, nikwe nah paraknek atere git. Nah darihwaknek gikak atere, nah axnek gikak igme ax nukakuh. Henewatbaki nah kehnek.

Nah hiyak ku samah yihiyekemni ayge. Yis awna ku yis nuhiyegavu bawa yis ka wew nukakuh inyewatma. Inneki keh yis kewa higapkabe ku pariye awehwenpiyebe ka maguw nutuh. Yihiyekemni ke wotbe in ka awahadima ine in ka kisepehnema. Wake yis ka kisevibe nuwhu, wake yis wewnene nukakuhbe, in kabaykam. Hawata akiw wake yis kisevibe nuwhu, wake yis ka awnabe ku yis nuhiyegavu, in hawata kabaykam nutuh. Kiskama yis ka awna ku yis nuhiyegavu, mmanawa yis ka wew nukakuh. Nikwe yis kewa higapkabe ku pariye awehwenpiyebe henen nutuh. Yis awna ku yis nuhiyegavu bawa yis ka wew nukakuh. Inneki keh nah tukuhpeynek ke pahavwibe ku pariye ba gibetki higa un kiseviye, ig sabuh un gibiyrikut, in awehwe henen git, ig asenpin ig tuveswin gibiyriktak.

Nuhiyegavu, wake nah ka batek yikakbe, nah ka himahyikam hene, nah ka bukihkam yitaraksan yiw. Numawkan yis mpiksaw wages yihiyekemni.

Nah hiyak ku samah yihiyekemni ayge. Kibeyne, yis kadahan yawaygi aynesa. Yis ihpene nuwnuh. Yis ka isahkiswa nuwhu. Inneki keh nah woke kibeyne iwetrit yidahan. Yuma hiyeg hiya asabukak yiw.

Ku ig ka isaksawnek arit wavitye gihiyekemni, nah ikinek giwetri adahan igme batnek ay nuhumwa amadga nevwi kiyatyo adahan ig kumadukene payak nukakuh. Mmanawa nah hawata nah ka isaksawti arit wavitye gihiyekemni, nikwe nah bat kuri ay gihumwa Niguh amadga gevwi kiyatyo nah kumadukene payak gikak.

Mmanawa yis awna: ‘Wixwiy igisavye akak hiyakemniki. Wixwiy ka muwaka ariknawnema akiw. Yuma muwekne wotwiy.’ Ka ba yis hiyapk ku ka aynsima muwekne yit akiw? Ay abet yihiyekemni yis madiptavye, yis makawihanave, yis motavye abet yihiyekemni.

Kibeyne, yis ihpene nuwnuh yis dehewnene abetnewa mbeyne ku samah nah kuwis ayap yit. Inneki keh nah mpithaynek ariw ini mbeyevye hawkri ku pariye nehmnikuhpiye gitkis madikte hiyeg ku pariye misekwenevwi amadga wayk adahan gihikektenkis.

Nah ka ayivwihwa adahan nah danuh. Misakwanabay akak ini yihiyekemni kibeyne he ku aysaw nah danuhnek kahadbe yuma pahavwinema hiyeg hiya asamanak adahan yimaptenten ariw yitiwni ku pariye nah ikinek yit.

Kannikasanabay yihiyekemni. Ka ba yi miniwbetaw ariw ini yihiyekemni kibeyne giwntak Uhokri ku pariye aytentene yimun in ke wotbe in me miyapbemet. Wagahkisnabay ini yihiyekemni. Mmanawa nah uti yihiyekemni ka avigkutavrikma ku samah nuwohkiga gimawkan.