Popular Bible Verses from Apokalipsi 2

Share

Heneme nah akkite yit pahat yihiyekemni ku pariye nah suguh. Yis ka batek nukakuh kema pitatyema.

Kiyeminanabay amin ku samah minikwak yis batek nukakuh kiyesrad yis hawata batekak pawtak kiyesrad. Hiyakse yis kuri, yis tuguhkise yibetki nuvititak yis hawata tuguhkise yibetki pawtak. Wakaymninabay adahan ku samah yihiyekemni ka kabay. Wagesnabay yihiyekemni akiw. Kehnabay hawata ku samah pitatye nah utivyi. Ku yis ka wages yihiyekemni, nikwe yis ka ayivwinek. In ke wotbe nah aytanek nah wiwhpiyebe pohow abukri akekri ariwntak guwetri.

Ka yi muwaka avis abohri ini mbeyne ku pariye me danuhmet yit. Yaytak sarayhkiskanek arikut parakseket gavit wavitye gikivarakis adahan yihikekten. Henewatbaki ig keh. Ka aynsima hawkri yis hiyap mbeynenek. Hiyawa yis miyarap, heneme ka sam. Kamaxwanabay nuvitit kabayntiwa. Ku yis keh hene, nikwe nah katiwnihyinek akak ini iyuwti ku pariye keh yis aymuhwa adahan avanenekwa.

“Yis ku pariye katayebnenevwi, ataybiswanabay arimkat ku pariye Uhokri Gitip awna gitkis nuhiyegavu. Ku pahavwi ka isaksawnek arit wavitye gihiyekemni, nikwe nah ikinek gawaygi adahan ig ax guwntak nor ah ku pariye keh hiyeg aymuhwa adahan avanenekwa, nor ku pariye tabirnano amadga Uhokri giwasra.” Henewatbaki ig Kiyavwiye Jesus awna nutuh.

Nah hiyak ku samah yihiyekemni ayge. Kibeyne, nah hiyak ku samah yis mpiksaw kannivwi nudahan. Nah hiyak ku samah yis dehewnene abetnewa mbeyne. Nah hiyak ku samah yis ka amava hiyeg taraksavye giwnkis. Nah hiyak ku samah yis hikek neras hiyeg ku pariye ikewnevwi ke wotbe ignes Uhokri giwatnivwibe baki igkis giwntakwatma Uhokri ba kawk. Yis avuriw ku samah gihiyekemnikis. Ayge nikwe yis hiyekevgikis ku igkis he wasaymavyenen.

Hawata yis dehewnene abet mbeyne. Yis amava madikte ini mbeyne kabayntiwa nudahan. Yis ka ehwa nikak.

“Yis ku pariye katayebnenevwi, ataybiswanabay arimkat ku pariye Uhokri Gitip awna gitkis nuhiyegavu. Ku pahavwi ka isaksawnek arit wavitye gihiyekemni, nikwe nah ikinek git ariwntak ini axka kewye “maná” ku pariye hiyeg amadgayavu inin kane hiyap. Hawata akiw nah ikinek git pohow tip seyno adahan areketni ku nah batek gikak. Ayge guvit nor tip tamaknek giw nukune ku pariye yuma pahavwinema hiyeg ahiyekten. Ignewa ner ku pariye gudarihpitninek ignewa hiyaknek.” Henewatbaki ig Kiyavwiye Jesus awna nutuh.