Popular Bible Verses from Apokalipsi 10

Share

Ku aysaw ig ntewnehkervye ahj agighanek, ayge nikwe madikte ku pariye Uhokri ikiswanaw adahan ini hawkri in makisupnek. In ku pariye minikwak hiyeg kotenene hiyakte, kuri metakwa in kahayak ku samah ig ekke gitkis gibukvig gawnavevu. Henewatbaki ig ahj detye awna.

Pisenwa awnaka nutuh: — Amawka kuwewanek pis kinetihwa pahaynewata akiw amin ku pariye nehmnikuhpiye gitkis ka aynsima hiyegviyenevwi, gitkis arakembetnene gihivakkis, gitkis arakembetnene giwnavrikkis hawata gitkis hiyegviyene gikivarakis kane aynsima.

Ayteke nah hiyap pahavwiwa ahj detye akiw ig muhuk ayta inuriktak. Ig kasimsavu akak ukuhne. Paha tuwesegu ay aranwa gitew. Gihepka ka amuwyisima ke kamuwbe. Gibagwan kadawe ke tiketbe akadwey.

Nah timapni hene, nah atere git ner ahj. Nah ayep git ini nopsesnene kagta tagebwihmnihka. Igme kaytwa nuwnuh: — Ahah. Iwepni. Axwin. Kuwewanek in wageswanek tiviye ay pitunrik. Ka sam. Ay pibiyrik in kiterenek ke ahayakbe anunu. Nah timapni hene, nah ameve ini nopsesnene kagta giwakutak. Nah axwin. Henewa, in kitere ay nubiyrik ke ahayakbe anunu. Heneme, ku aysaw nah dakerepni, in wageswe ka ativinisima ay nutunrik.