1
Sawmus 112:7
Uhokri Gahegbetawni Nukune akak Sawmus
pluPB
Ku aysaw ig timapnek mbeyevye inetit danuh git, ig ka avisnek nibohri, mmanawa gikamaxwan wadit givitit Kiyavwiye Uhokri, hawata awaku ig hiyak ku samah gaymahwan.
Compare
Explore Sawmus 112:7
2
Sawmus 112:1-2
Kabayhanay Kiyavwiye Uhokri! Ka aynsima kabayka gidahan pahavwi ku pariye ihpene Kiyavwiye Uhokri giwn, ku pariye mpiksewne wew avigkutavrik gikumadukan. Gikamkayuvwi ner hiyeg igkis barewyevwi gaymahwankisnek ay avit waxri ku pariye Uhokri gikan. Hawata gihiwhivwikis Uhokri ikinenekwa kabayka gitkis akiw.
Explore Sawmus 112:1-2
3
Sawmus 112:8
Ig ka wakaymnihwanek adahan givit, ine ig kawnata avisnek, mmanawa ig hiyakni ku Kiyavwiye Uhokri ahegbet adahan parekne abet gihawkan gitivutkis givetunyavu.
Explore Sawmus 112:8
4
Sawmus 112:4
Ku aysaw ig aynte abet amisnavyenek, igme Kiyavwiye Uhokri uguhnek gihina atere. Inneki keh ig ka gabaysima, ig batek ayava giyakivwi hiyeg hawata ig avanenekwa keh ku pariye waditnene.
Explore Sawmus 112:4
5
Sawmus 112:5
Ka aynsima kabayka gidahan, mmanawa ig kayah avititakwa giyakni adahan ayavene giyakivwi hiyeg, ig wewkis gannivwi akak madikte waditka.
Explore Sawmus 112:5
6
Sawmus 112:6
Ig ka mpiyasatinek mahikoki abet gaymahwan hawata madikte hiyeg kiyeginek awaku ig kibeyne hiyeg.
Explore Sawmus 112:6